Cymro’n arwyddo hefo tîm seiclo Sky

Luke Rowe
Mae’r Cymro Luke Rowe ymysg deg seiclwr sydd wedi arwyddo cytundeb newydd hefo tîm Sky ar gyfer 2014.

Mae Chris Froom – enillwr y Tour de France eleni –Peter Kennaugh, David Lopez ac Ian Stannard hefyd yn rhan o’r tîm.

Ac mae Geraint Thomas o Gaerdydd, a wnaeth dorri ei glun yn y Tour de France eleni, wedi ymestyn ei gytundeb.

Gwella

Dywedodd y Rheolwr Perfformiad Rod Ellingworth eu bod wedi dewis y “tîm fwyaf talentog yn y byd” eleni:

“Rydym wedi dewis tîm ofnadwy o gryf dros y gaeaf. Mae rhai seiclwyr profiadol yn dal yno, sy’n bwysig i allu symud ymlaen.

“Rydym ni i gyd yn barod i wella ac i geisio cael yr amgylchiadau gorau er mwyn i’r seiclwyr allu gwella hefyd.”