Marion Bartoli
Mae Marion Bartoli wedi cyhoeddi ei hymddeoliad o fyd tenis yn 28 oed, llai na chwe wythnos ar ôl iddi ennill Wimbledon.
Fe wnaeth y Ffrances y cyhoeddiad ar ôl colli i Simona Halep yn yr ail rownd ym Mhencampwriaeth Agored Cincinnati.
Daeth penderfyniad Bartoli yn dilyn cyfres o anafiadau a ddioddefodd, yn arbennig yr anaf i’w echel.
‘‘Mae’n amser i mi ymddeol, amser i orffen fy ngyrfa,’’ meddai Bartoli.
‘‘Rwyf wedi cael nifer o anafiadau eisoes ers dechrau’r flwyddyn. Rydw i wir yn teimlo fy mod wedi rhoi’r gorau ond nid yw fy nghorff yn gallu ymdopi a phopeth,’’ ychwanegodd Bartoli.
Fe wnaeth ennill ei theitl gyntaf yn broffesiynol yn Auckland (2006). Yn 2011 fe gyrhaeddodd y rownd cyn derfynol ym Mhencampwriaeth Agored Ffrainc, a chipio’r teitl yn Wimbledon eleni.
