Bydd Geraint Thomas yn parhau i rasio yn ras enwog y Tour de France eleni.
Mi gafodd y beiciwr 27 oed o Gaerdydd ei ddal yng nghanol damwain ddoe ar ddiwrnod cyntaf y ras.
Mi wnaeth anafu ei belfis ond mae prawf pelydr X wedi dangos nad ydi’r anaf yn un difrifol.
Digwyddodd y ddamwain bron ar ddiwedd y diwrnod cyntaf o rasio yng Nghorsica ddoe.
Marcel Kittel o’r Almaen enillodd y cymal cyntaf.
Bydd ail gymal y ras heddiw yn gweld y beicwyr yn rasio 156 cilomedr o Bastia i Ajaccio.
