Mae’r Cymro Aled Siôn Davies wedi cipio ei drydedd medal aur.
Llwyddodd Aled i gyrraedd y brig unwaith eto wedi iddo ennill y gystadleuaeth taflu pwysau F63 yn y Gêmau Paralympaidd yn Tokyo heddiw (ddydd Sadwrn).
Roedd tafliad gorau y gŵr o Ben-y-bont sef 15.33m yn drech na’r cystadleuwyr eraill.
Yn yr ail safle ac felly’n ennill y fedal arian oedd Sajad Mohammadian o Iran a daflodd bellter o 14.88m gyda Faisal Sorour o Kuwait yn cipio’r fedal efydd wedi iddo daflu pellter o 14.13m.
‘Popeth’
Cyn cystadlu yn Tokyo dywedodd Davies y byddai ennill ei drydedd fedal aur yn golygu “popeth” iddo.
“Dwi wedi rhoi fy holl fywyd i fod y gorau,” meddai. “Fi ond yn dod yma am un lliw.
MEDAL AUR?
Aled Sion Davies yn ennill rownd derfynol y taflu pwysau?
Dyma'r drydedd fedal aur iddo ei hennill yn hanes y Gemau Paralympaidd?#Paralympics pic.twitter.com/nEsaFFKPt8
— Chwaraeon Radio Cymru (@bbccamplawn) September 4, 2021
Aled Siôn Davies oedd capten tîm Prydain yn y gêmau eleni.
Yn gynharach fe wnaeth Laura Sugar, a gafodd ei haddysg uwchradd yng Nghasnewydd, ennill medal aur a’r rownd derfynol y caiacio 200m yn y gemau.
Cyn iddi fentro i gaiacio, roedd hi’n athletwraig o fri.
MEDAL AUR?
Laura Sugar yn ennill rownd derfynol y caiacio 200m (KL3) yn y Gemau Paralympaidd?#Paralympics pic.twitter.com/Gl4MsId7gz
— Chwaraeon Radio Cymru (@bbccamplawn) September 4, 2021
