Gall pob clwb pêl-droed yng Nghymru nawr groesawu hyd at 100 o gefnogwyr yn ôl i’w stadiwm.

Gwnaed y penderfyniad gan Lywodraeth Cymru in dilyn digwyddiadau prawf llwyddiannus gan Gymdeithas Bêl-Droed Cymru (FAW) a welodd cefnogwyr yn dychwelyd i sawl gêm gyfeillgar ledled Cymru dros y pythefnos diwethaf,

Neithiwr, chwaraeodd CPD Caernarfon gêm gyfeillgar oddi cartref yn Gresffordd a’r sgôr oedd 2-2.

Heddiw cynhaliwyd nifer o gêmau ledled Cymru.

Ennillodd Bangor 1876 mewn gêm oddi cartref yn erbyn Y Rhyl 1879 o 1-0.

Y cefnogwyr sydd yn berchen y ddau glwb wedi iddyn nhw sefydlu clybiau hollol newydd.

Un a oedd yn edrych ymlaen at wylio gêm Cymru y prynhawn yma – ond a oedd yn hapus iawn hefyd i gael mynd i weld ei glwb lleol, Porthmadog, yn chwarae am y tro cyntaf ers 15 mis oherwydd y pandemig –  oedd y Dr Simon Brooks.

Roedd Port yn chwarae yn erbyn y Waun gartref ar y Traeth.

Y sgôr ar hanner amser oedd 3-1 i’r tîm cartref.

Disgrifiodd Simon heddiw fel “diwrnod mawr ym mhêl-droed Cymru”.

 

Gall clybiau sy’n disgwyl dros 100 o gefnogwyr wneud cais i CBDC am ymweliad safle er mwyn dangos sut y gall reoli dros 100 o gefnogwyr yn ddiogel, wrth sicrhau y gellir cwrdd â rheolau pellter cymdeithasol Llywodraeth Cymru.

Mae CBDC wedi cynhyrchu fideo ar gyfer clybiau a chefnogwyr er mwyn ymgyfarwyddo â’r hyn i’w ddisgwyl ar ddiwrnod chwarae o dan y Rheoliadau Dychwelyd i Gefnogi.

Dywed CBDC ei bod hi’n bwysig nodi bod iechyd a diogelwch pawb sy’n mynychu gêm yn flaenllaw wrth gynllunio a threfnu.

Dyma’r rheolau i gefnogwyr fel ag y mae nhw.

  • Os ydych wedi derbyn amser cyrraedd dynodedig, cyfarwyddiadau mynediad a pharcio mae’n rhaid eu dilyn.
  • Mae’n bwysig cyrraedd ar eich pen eich hun neu yn eich swigen gartref.
  • Cofiwch ddod â gorchudd wyneb a chadw at bellter cymdeithasol. Bydd stiwardiaid yn helpu gyda chyngor ar seddi a llefydd sefyll.
  • Cyn mynediad bydd gwiriad tymheredd. Yna bydd angen i chi gwblhau ‘Cod Ymddygiad Gwylwyr’ a ‘Holiadur Meddygol’ (sydd hefyd yn gweithredu fel y ffurf cofnodi ac olrhain). Efallai y bydd rhai clybiau yn gofyn i’r rhain gael eu cwblhau’n ddigidol ar-lein.
  • Bydd pwyntiau saniteiddio wedi’u lleoli o amgylch y stadiwm a bydd gofyn i gefnogwyr eu defnyddio.
  • Rhaid gwisgo masgiau bob amser a rhaid cadw pellter cymdeithasol trwy gydol y gêm.
  • Gwrandewch ar y cyhoeddiadau PA oherwydd gallent gynnwys gwybodaeth bwysig.
  • Os oes lluniaeth ar gael, argymhellir defnyddio taliad digyswllt lle bo hynny’n bosibl.