“Byddai Llwyd o’r Bryn yn troi yn ei fedd”

Geraint Lloyd Owen
Mae’r ffaith fod neb yn cystadlu am brif wobr llefaru’r Eisteddfod Genedlaethol eleni yn profi mai llefaru ydi “Sinderela y brifwyl”, yn ôl Prifardd.

“Petasai yna rywun yn cystadlu, mi fasa’r gystadleuaeth ar y llwyfan am hanner dydd heddiw… ond mae’r Rhuban Glas ar y llwyfan am chwech o’r gloch heno,” meddai Geraint Lloyd Owen.

Roedd chwech enw wedi dod i law ar gyfer y Wobr eleni, ond dim ond un ymgeisydd ddaeth i’r rhagbrawf. Ar ôl mynd i’r wal yn y rhagbrawf, fe benderfynodd honno beidio mynd ar y llwyfan.