Coron Bro Morgannwg
Gwyneth Lewis o Gaerdydd ydi enillydd Coron Eisteddfod Genedlaethol Bro Morgannwg eleni.

Hi ddaeth i’r brig o blith 32 o gystadleuwyr a oedd wedi llunio dilyniant o gerddi digynghanedd ar y thema ‘Ynys’.

Gwyneth Lewis oedd enillydd Gwobr Llyfr Barddoniaeth Saesneg y Flwyddyn eleni, ac mae’n fardd sydd wedi gwneud enw iddi ei hun yn rhyngwladol.

Mae ei cherddi wedi eu hysbrydoli gan chwedl Branwen yn ail gainc y Mabinogi.