Pencadlys Cyngor Gwynedd, Caernarfon
Fe allai prifardd Eisteddfod yr Urdd 2013 fod y llenor olaf un i ddod o ysgol gynradd yn Arfon sydd dan fygythiad.
Mae Elan Grug Muse yn dilyn yn ol troed mawrion y byd llenyddol Cymraeg, fel yr Athro Thomas Parry; ei frawd, Gruffudd Parry; y llenor a’r cyn-ddarlithydd Prifysgol, Dafydd Glyn Jones; ynghyd a’r diweddar ysgrifwr a’r ymgyrchydd a’r ysgogwr y tu ol i Ganolfan Dreftadaeth Kate Roberts, Dewi Tomos.
Mae cabinet Cyngor Gwynedd wedi pleidleisio yr wythnos ddiwetha’ tros gau Ysgol Gynradd Carmel ac Ysgol Bronyfoel, Y Fron, er mwyn codi ysgol ardal newydd sbon ym mhentre’r Groeslon, dair milltir i ffwrdd.
Ond mae’r ymgyrch yn parhau, gyda rhieni lleol yn dweud y dylid cadw Ysgol Gynradd Carmel ar agor yn ogystal a chodi adeilad newydd ar gyfer disgyblion Y Groeslon.
