Dwr yn ôl i 99% o Gymru

Mae gwasanaeth dŵr arferol wedi ei adfer i 99% o gartrefi Cymru, yn ôl cwmni Dŵr Cymru.

Ond mae problemau mwy nag arfer yn parhau mewn rhai ardaloedd, yn enwedig yn y canolbarth, a hynny oherwydd effaith y tywydd rhew.

Fe fydd rhaid i drigolion mewn pentrefi yn ardal St Harmon ac Abaty Cwmhir ym Mhowys aros am oriau eto cyn cael eu cyflenwad yn ôl ac fe fydd poteli dŵr yn cael eu rhannu yno’r bore yma.

Mae Pennaeth Gweithrediadau’r cwmni, Peter Perry, hefyd wedi ymddiheuro i bobol yn ardal Horeb ger Caerfyrddin am fod problemau’n parhau yno ddyddiau ar ôl trwsio is-orsaf trin dŵr.

Roedd swigod awyr yn atal y cyflenwad i tua 50 o gartrefi, meddai.

Llun – Dwr Cymru

Poblogaidd

Swyddi

Trydan Gwyrdd Cymru

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

golwg+

Llên

Gwobr driphlyg – ac addo llyfr “mwy siriol” y tro nesa

Non Tudur

“Doeddwn i erioed wedi hyd yn oed ystyried y byddwn i’n ennill Llyfr y Flwyddyn,” meddai’r darlithydd Newyddiaduraeth

Stori nesaf →

Archif

Buwch brin yn rhoi genedigaeth i ‘lo panda’

Dim ond 24 o’i fath yn y byd i gyd

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Dwr yn ôl i 99% o Gymru

Ond problemau’n parhau mewn rhai ardaloedd

Poblogaidd

Swyddi

Arweinydd Cysylltiadau Grid

Rheolwr Prosiect

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd