Mae Heddlu’r Gogledd a gwylwyr y glannau wedi bod wrthi drwy’r dydd yn chwilio ar hyd glannau’r Fenai am ddyn 19 oed.
Roedd wedi cael ei weld ddiwethaf ym Mhorthaethwy am hanner awr wedi hanner nos neithiwr.
Caiff ei ddisgrifio fel dyn croenwyn, tenau, gyda gwallt du. Roedd yn gwisgo crys du a gwyn a jîns llwyd pan gafodd ei weld ddiwethaf.
Mae’r heddlu’n apelio ar i unrhyw un â gwybodaeth ffonio 101.
