Dyn yn marw o oerfel

Mae Heddlu Gogledd Cymru wedi cadarnhau bod dyn 48 oed a gafwyd yn agos at gadeirlan Bangor wedi marw o effeithiau’r oerfel.

Fe gafodd y gwasanaethau brys eu galw ychydig cyn 9.00am dydd Mercher ar ôl i bobol ddod o hyd i Patrick Cleary yng Ngardd yr Esgob ym Mangor.

Fe gafodd post mortem ei gynnal a chasglu bod y dyn 48 oed o Lanllyfni wedi marw o hypothermia.

Fe ddywedodd Ditectif Ringyll Dewi Jones nad oedd yna unrhyw amgylchiadau amheus ynglŷn â’r farwolaeth a bod y mater wedi cael ei gyfeirio at Grwner Gogledd Orllewin Cymru.

Llun: Eglwys Gadeiriol Bangor (Velela CCA 2.5)

Poblogaidd

Swyddi

Yr Eglwys yng Nghymru

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

Rhyngwladol

Llawer o anafiadau a difrod eang mewn ffrwydrad enfawr yn Beirut

Gwelodd tystion lawer o bobl wedi’u hanafu gan wydr a malurion.

Stori nesaf →

Archif

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Dyn yn marw o oerfel

Dod o hyd i’w gorff ger Eglwys Gadeiriol Bangor

Poblogaidd

Swyddi

Cynhyrchydd Cynnwys Digidol

Arweinydd Cysylltiadau Grid

Rheolwr Prosiect

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd