Mae tonnau enfawr wedi torri ar draethau Bermwda heddiw, wrth i bobol yr ynys frysio i orchuddio ffenestri a llenwi sachau tywod a gwneud yn siwr fod ganddyn nhw ddigon o fwyd a diod.
Mae disgwyl i Gorwynt Igor gyrraedd yn iawn yn ystod y dyddiau nesa’.
Dan awyr dywyll a chymylog, fe ddaeth pobol i’r traethau i weld tonnau mor uchel â 15 troedfedd yn torri – ond hyn y y gobaith na fyddai Igor yn gwneud gormod o ddifrod i adeiladau’r ynys.
Pasio heibio
Y disgwyl yw y bydd Igor yn pasio heibio’r ynys yn hwyr heno neu’n gynnar iawn fory.
Mae gwyntoedd Igor yn chwythu ar gyflymder o tua 85 milltir yr awr – mae hynny gryn dipyn yn llai grymus na’r disgwyl gwreiddiol, pan oedd wedi ei nodi fel Storm Gategori 4.
