Mae dau ddyn wedi eu harestio yn dilyn ymosodiad yn ardal Craig-y-Rhacca, ger Caerffili, ddoe.
Mae’r heddlu yn apelio am help y cyhoedd er mwyn dod o hyd i gerbyd allai fod wedi ei ddefnyddio mewn cysylltiad gyda’r digwyddiad.
Am 1.38am cafodd yr heddlu eu galw ar ôl i’r gwasanaeth ambiwlans ddod o hyd i ddyn 22 ar y llwybr ger Addison Way, Craig-y-Rhacca gydag anafiadau difrifol i’w ben.
Mae’r dyn wedi ei gymryd i Ysbyty Athrofaol Cymru ac mae o wedi cyflwr difrifol ond sefydlog.
Y gred yw bod yr ymosodiad wedi digwydd rywbryd rhwng 6pm dydd Iau a 1am dydd Gwener.
Mae dau ddyn lleol, 20 a 21 oed, wedi eu harestio mewn cysylltiad gyda’r digwyddiad a’u rhyddhau ar fechnïaeth tra bod yr heddlu yn parhau i ymchwilio.
Mae’r heddlu yn ceisio dod o hyd i Mitsubishi L200 Warrior, lliw du, gyda’r plât rhif VX03KHD.
Dylai unrhyw un sydd â gwybodaeth ffonio Heddlu Gwent ar 101 neu Daclo’r Tacle ar 0800 555 111.
