Mae’r heddlu’n ymchwilio i ddamwain ffordd ddifrifol rhwng dau feic modur yn Heol Marsh, Dinbych-y-pysgod ddydd Mawrth.
Yn dilyn y gwrthdrawiad tua 7.20 gyda’r nos, fe gafodd un dyn ei gludo i Ysbyty Llwynhelyg mewn ambiwlans. Fe wnaeth dyn arall ddioddef anafiadau difrifol iawn i’w goesau ac fe gafodd ei gludo mewn hofrennydd i Ysbyty Treforys.
Mae’r heddlu’n apelio ar i unrhyw un â gwybodaeth gysylltu gyda Huw Evans o Uned Plismona’r Ffyrdd yn Hwlffordd drwy ffonio 101.
