Desmond Tutu
Mae Archesgob De Affrica, Desmond Tutu, yn dweud ei fod yn gweddïo am wellhad buan i’r cyn-Arlywydd Nelson Mandela.
Mewn cyfweliad ar orsaf Radio 702 heddiw, mae Desmond Tutu wedi dweud ei fod wedi anfon negeseuon testun at wraig y gwleidydd sydd wedi bod yn yr ysbyty ers Rhagfyr 8.
Fe gafodd ei gludo yno gynta’ oherwydd ei fod yn diodde’ o haint ar yr ysgyfaint, ond yr wythnos ddiwetha’ fe gafodd lawdriniaeth i dynnu cerrig bustl.
Mae Archesgob Tutu a Nelson Mandela ill dau’n enillwyr Gwobr Heddwch Nobel, oherwydd eu rôl yn ceisio hawliau i’r duon yn Ne Affrica.
Fe gafodd Mandela ei garcharu am 27 mlynedd, cyn cael ei ryddhau a dod yn Arlywydd ‘Cenedl yr Enfys’.
