Mae’r Undeb Ewropeaidd
wedi mynnu bod y cwmni coffi o America, Starbucks a’r cwmni cynhyrchu ceir, Fiat yn talu £22 miliwn mewn consesiynau treth gorfforaethol a gawson nhw gan wledydd yr UE.
Mae’r newyddion yn dod yn dilyn penderfyniad i dynhau’r rheolau’n ymwneud a thoriadau treth y mae cwmnïau mawr rhyngwladol yn eu cael.
Dywedodd comisiynydd yr UE, Margrethe Vestager “y dylai pob cwmni, bach neu fawr, rhyngwladol neu ddim, dalu ei gyfran deg o dreth.”
Mae’r comisiwn wedi bod yn tynhau’r rheolau yn neddfwriaeth yr UE sydd wedi galluogi cwmnïau rhyngwladol i osgoi talu miliynau mewn treth.
Yr Iseldiroedd fydd yn gorfod casglu’r dreth gan Starbucks a Lwcsembwrg fydd yn casglu gan Fiat.
Yn ôl y comisiwn, mae’r UE yn ymchwilio i arferion treth tebyg ym mhob un o 28 gwlad yr undeb.