Fe fydd S4C yn hysbysebu un o’i swyddi allweddol o fewn yr wythnosau nesas’.
Fe ddatgelodd y sianel y bydd swydd Cyfarwyddwr Cynnwys yn cael ei chreu – fersiwn newydd o swydd Pennaeth Rhaglenni oedd yn cael ei gwneud gan Rhian Gibson.
Un arall o staff y sianel sydd wedi bod yn gwneud y swydd dros dro ers iddi hi adael, er bod cynhyrchwyr annibynnol wedi bod yn galw am benodiad newydd.
Pennaeth Rhaglenni neu Gyfarwyddwr Cynnwys sy’n aml yn rhoi stamp ar gynnwys rhaglenni ac yn arwain tîm o Gomisiynwyr yn y gwahanol feysydd.
Newidiadau
Wrth wneud cyfweliadau gyda’r wasg yn ystod y dyddiau diwetha’, fe wnaeth y Prif Weithredwr newydd, Ian Jones, yn glir ei fod yn rhagweld newidiadau sylweddol yn y rôl.
Fe fydd y swydd yn cael ei hysbysebu’n allanol yn ogystal ag yn fewnol i’r staff presennol.
Mae awgrym hefyd y bydd rhagor o ail-drefnu’n digwydd yn fuan.
