Warren Gatland
Mae Leigh Halfpenny wedi canmol gallu hyfforddwr Cymru Warren Gatland i sbotio talent ifanc.
Bydd y cefnwr 22 oed yn un o wyth chwarewr sy’n iau na 23 mlwydd oed yn nhîm Cymru i wynebu Ffrainc yfory.
Mae hyn yn glôd enfawr i Gatland am ddangos ffydd yn ei chwaraewyr ifanc, sydd wedi gwneud yn aruthrol yng nghystadleuaeth Cwpan y Byd.
‘‘Mae Warren yn gallu gweld talent,” meddai Halfpenny.
“Unwaith mae’n gweld ac yn ffyddiog mewn chwaraewr mae’n dod ag ef i fewn.
’’Mae hyn wedi dod a dimensiwn newydd i’r tîm, ac yn talu ei ffordd.
’’Rwy’n gobeithio ein bod yn ysbrydoli chwaraewyr ifanc. Fe ddaethon nhw i fewn i’r garfan a dangos eu gallu i berfformio ar cae rhyngwladol. Fe ddaethon nhw â rhywbeth ffres i fewn i’r tîm a chreu awyrgylch gwych o fewn y garfan’’.
Seicoleg yn bwysig
Mae yna un perfformiwr oddi ar y cae sy’n allweddol i ymgyrch Cymru sef Andrew McCann, seicolegydd y garfan.
’’Rwyf wedi bod yn gweithio’n agos gydag ef, ac mae yna lawer o agweddau gwahanol’’, meddai Leigh Halfpenny.
’’Yn gynnar yn yr wythnos fe fydd sesiwn sydd yn eithaf hamddenol sydd yn gwneud byd o lês, ond pan fydd y gêm yn nesáu byddaf yn mynd trwy’r rôl nes ei fod yn glir yn fy mhen.
’’Os byddaf yn nerfus, mae’n gwneud i mi ymlacio. Mae angen bod yn hunanfeddiannol, ac yna rydym yn gwybod bod angen i ni ganolbwyntio am yr wythnos nesaf.”
