Mae dyn o Bowys wedi gwadu llofruddio ei wraig wrth iddo ymddangos gerbron llys heddiw.
Mae Christopher Kerrell, 35, o Drefyclo ym Mhowys yn gwadu lladd Hollie Kerrell, 28, ym mis Ebrill eleni.
Fe ymddangosodd yn Llys y Goron Caerdydd heddiw (dydd Llun, 20 Awst) ar gyfer gwrandawiad i gyflwyno ple.
Dywedodd Michael Jones QC ar ran yr erlyniad y byddai Christopher Kerrell yn sefyll ei brawf ar 27 Hydref.
Cafwyd hyd i gorff Hollie Kerrell, mam i dri o blant, dridiau ar ôl iddi ddiflannu o’i chartref yng Nghnwclas ger Trefyclo ar 22 Ebrill a chafodd ei gwr ei gyhuddo o’i llofruddio.
Fe fydd yn cael ei gadw yn y ddalfa nes i’r achos ddechrau ym mis Hydref.
