Ar ddiwrnod golwg360 ar Faes Eisteddfod Llŷn ac Eifionydd ym Moduan ddydd Iau (Awst 10), fe wnaethon ni groesawu ambell seleb Cymraeg fel gwesteion arbennig ar gyfer ein cwis newyddion.
Fe fu’r dirprwy olygydd Cadi Dafydd, y gohebydd celfyddydau Non Tudur a’r colofnydd gwleidyddol Huw Prys Jones yn cystadlu yn erbyn ein colofnydd Sara Louise Wheeler, Dewi Pws a Bethan Gwanas.
Y newyddiadurwr a chyflwynydd Aled Hughes oedd yn cadw trefn ar y timau, gan holi cwestiynau newyddion, chwaraeon a chelfyddydau gafodd eu gosod gan Phyl Griffiths a Geraint Roberts.
Diolch yn fawr iawn i bawb fu wrthi.
Dyma gyfle i chi, ddarllenwyr, roi cynnig ar rai o’r cwestiynau wynebodd ein timau…
