Treviso 27–11 Dreigiau
Mae dechrau siomedig y Dreigiau i’r tymor yn y Guinness Pro12 yn parhau wedi iddynt golli yn erbyn Treviso yn y Stadio Monigo nos Wener.
Dau bwynt oedd ynddi ar yr egwyl wedi cais yr un yn yr hanner cyntaf ond yr Eidalwyr aeth â hi yn gymharol gyfforddus yn y diwedd yn dilyn dau gais arall yn yr ail hanner.
Rhoddodd cic gosb Tomasso Allan y tîm cartref ar y blaen cyn i Tomaso Benvenuti groesi am eu cais agoriadol.
Ddeg pwynt ar ei hôl hi, fe gafwyd ymateb gan y Dreigiau wrth i gais Rynard Landman a chic gosb Angus O’Brien gau’r bwlch i ddau bwynt wrth droi.
Ymestynnodd Treviso eu mantais yn gynnar yn yr ail hanner serch hynny wrth i gyn glo’r Gleision, Filo Paulo, groesi yn y gornel.
Rhoddodd cic gosb O’Brien lygedyn o obaith i’r Dreigiau wedi hynny, yn eu rhoi o fewn un sgôr gyda chwarter awr i fynd.
Ond Treviso a gafodd y gair olaf wrth i Marco Fuser groesi am gais hwyr i’r Eidalwyr, 27-11 y sgôr terfynol wedi trosiad Allan.
.
Treviso
Ceisiau: Tommaso Benvenuti 25’, Filo Paulo 47’, Marco Fuser, 78’
Trosiadau: Tommaso Allan 26’, 48’, 79’
Ciciau Cosb: Tomasso Allan 16’, 63’
.
Dreigiau
Ceisiau: Rynard Landman 27’
Ciciau Cosb: Angus O’Brien 40’, 66’
