Y Dreigiau’n Tanio yn Telford

Telford 0–2 Wrecsam

Cododd Wrecsam i frig y Gyngres, dros dro o leiaf, gyda buddugoliaeth dros Telford yn Bucks Head brynhawn Mawrth.

Rhoddodd Danny Wright y Dreigiau ar y blaen yn yr hanner cyntaf cyn i’r eilydd, Adrian Cieslewicz, sicrhau’r tri phwynt gyda’r ail bum munud o’r diwedd.

Daeth y gôl gyntaf hanner ffordd trwy’r hanner cyntaf pan ddaeth Neil Ashton o hyd i Wright yn y cwrt cosbi a gwnaeth yntau’r gweddill.

Yr ymwelwyr a gafodd y gorau o’r cyfleoedd wedi hynny hefyd ond bu rhaid aros tan bum munud o’r diwedd i ddiogelu’r fuddugoliaeth. Croesodd Nick Rushton y bêl i’r canol a churodd Cieslewicz Ryan Young gyda pheniad taclus.

Mae’r canlyniad yn codi Wrecsam i frig tabl Uwch Gynghrair y Blue Square ond gall Grimsby a Chasnewydd neidio drostynt gyda phwyntiau yn hwyrach.

.

Telford

Tîm: Young, Salmon, Valentine, Preston, Hubbins (Rooney 79’), Rose, Trainer, St Aimie (Spray 61’), Leslie (Taylor 54’), Read, Brown

Melyn: Preston 38′

.

Wrecsam

Tîm: Mayebi, Ashton, Alfei, Riley, Westwood, Harris, Clarke, Hunt, Wright, Ormerod (Cieslewicz 56’), Rushton (Little 86’)

Goliau: Wright 24’, Cieslewicz 85’

.

Torf: 2,931