Fe gafodd clwb pêl-droed y Bala ₤200,000 am chwarae dwy gêm yn rownd gyn-ragbrofol Cynghrair Europa.
A phe baen nhw wedi mynd trwodd i’r rownd nesa’, mi fydden nhw wedi derbyn ₤230,000 arall.
Er i’r Bala guro Tre Fiori 1-0 neithiwr, roedden nhw wedi colli 3-0 oddi cartref yn y cymal cyntaf yn San Marino.
Methiant y Bala
Ar ôl colli o 3-0 yn erbyn Tre Fiori yng nghymal cyntaf y rownd yr wythnos ddiwetha’, bu rhaid i fechgyn Colin Caton chwarae gêm dda neithiwr.
Ond er i’r bêl fod yn eu meddiant am y rhan fwya’ o’r gêm, ni ddaeth gôl tan ganol yr ail hanner, gyda Nathan Burke yn sgorio.
Roedd angen dwy gôl ychwanegol ar y clwb er mwyn sicrhau lle yn y rownd nesa’.
Mi fydd Tre Fiori felly yn mynd yn eu blaenau i herio NK Rudar Celenje o Slofenia yn y rownd ragbrofol.
