Forest Green 0–4 Casnewydd 
Dychwelodd Casnewydd i safleoedd ail gyfle’r Ail Adran gyda buddugoliaeth oddi gartref dda yn erbyn Forest Green ar y New Lawn brynhawn Sadwrn.
Rhwydodd Padraig Amond ddwy waith i’r ymwelwyr yn yr hanner cyntaf cyn i Scot Bennett a Shawn McCoulsky ychwanegu dwy arall wedi’r egwyl.
Rhoddodd Amond yr Alltudion ar y blaen yn y chwarter awr cyntaf ac ychwanegodd y Gwyddel ei ail ychydig funudau cyn yr egwyl, yn ymateb yn gynt na neb wedi i Sam Russell arbed ergyd Frank Nouble.
Ychwanegodd Bennett y drydedd ddeuddeg munud o’r diwedd wedi tafliad hir Ben Tozer a chwblhawyd y sgorio gyda pheniad yr eilydd, Shawn McCoulsky, bedwar munud o ddiwedd y naw deg.
Mae’r canlyniad yn codi tîm Mike Flynn i’r chweched safle yn nhabl yr Ail Adran.
.
Forest Green
Tîm: Russell, Bennett, Collins, Roberts, Wishart, Cooper (Bugiel 65’), Traore, Brown (Marsh-Brown 45’), Osbourne, Doidge, James (Randall-Hurren 45’)
.
Casnewydd
Tîm: Day, White, Bennett, Demetriou, Pipe (O’Brien 77’), Tozer, Dolan, Labadie (Owen-Evans 89’), Butler,Amond, Nouble (McCoulsky 82’)
Goliau: Amond 14’, 41’, Bennett 78’, McCoulsky 86’
Cardiau Melyn: Bennett 50’, Labadie 56’, White 90’
.
Torf: 2,864
