Caerdydd 0–3 Crystal Palace
Mae gobeithion yr Adar Gleision o aros yn yr Uwch Gynghrair yn dechrau diflannu wedi iddynt gael cweir gan Crystal Palace yn Stadiwm Dinas Caerdydd brynhawn Sadwrn.
Sgoriodd Jason Puncheon ddwywaith a Joe Ledley unwaith wrth i dîm Tony Pulis guro Caerdydd yn gyfforddus. Mae’r tîm o Gymru bellach chwe phwynt o ddiogelwch gyda dim ond pum gêm ar ôl.
Daeth cyfle gorau Caerdydd o’r hanner cyntaf pan fu bron i chwaraewr Palace, Adrian Mariappa, roi’r bêl yn ei rwyd ei hun.
Ond fe wnaeth yr ymwelwyr sgorio yn y pen iawn wedi hanner awr o chwarae pan darodd Puncheon gefn y rhwyd wedi i Ledley ei ganfod yn y cwrt cosbi.
Ledley ei hun a sgoriodd yr ail yn erbyn ei gyn glwb, a hynny ryw ugain munud o’r diwedd wedi i David Marshall wyro cynnig Marouane Chamakh i’w lwybr.
Roedd yn rhaid i Gaerdydd chwilio am gôl felly ac fe gawsant eu cosbi gyda gwrthymosodiad chwim ddau funud o’r diwedd pan grymanodd Puncheon ei ail ef a thrydedd ei dîm i gefn y rhwyd.
Mae Caerdydd yn disgyn un lle i’r pedwerydd safle ar bymtheg yn y tabl ac mae chwe phwynt yn eu gwahanu hwy a Norwich yn yr ail safle ar bymtheg bellach.
.
Caerdydd
Tîm: Marshall, Théophile-Catherine, Taylor, Medel, Caulker, Turner, Zaha (Noone 62′), Mutch, Campbell, Jones (Cowie 78′), Daehli (Bellamy 72′)
Cardiau Melyn: Turner 68’, Medel 70’
.
Crystal Palace
Tîm: Speroni, Mariappa, Ward, Dikgacoi, Dann, Delaney, Puncheon, Jedinak, Jerome (Murray 83′), Ledley (Parr 79′), Bolasie (Chamakh 64′)
Goliau: Puncheon 31’, 88’, Ledley 71’
Cardiau Melyn: Jerome 35’, Ward 38’, Ledley 78’, Mariappa 74’
.
Torf: 27,687
