Enillydd y Gadair eleni yw Elan Grug Muse.
Bu’n ddisgybl yn Ysgol Gynradd Carmel gan dderbyn ei addysg uwch yn Ysgol Dyffryn Nantlle. Mae nawr yn astudio Gwleidyddiaeth ym Mhrifysgol Nottingham – yn yr un adeilad a’r dramodydd a gipiodd y Fedal Ddrama ddoe!
“Dw i wedi bod yn aelod o’r Urdd ers blynyddoedd maith ac wedi cystadlu’n gyson mewn pob math o gystadlaethau, o siarad cyhoeddus i’r ddeuawd gerdd dant,” meddai Grug.
“Ym mis Medi dw i’n gobeithio cychwyn ar flwyddyn o astudio yn yr Univerzita Karlova yn y Weriniaeth Czech fel rhan o gynllun Erasmws. Ar ôl graddio rwy’n gobeithio dychwelyd i Gymru er mwyn parhau gyda’m astudiaethau.’’
Cerdd er cof am ei thaid, Americanwr tairieithog o Cape Cod, Boston, yw ‘Awelon’.
