Dim ond 1.7% o gyhuddiadau trais rhywiol sy’n cyrraedd y llys

Mae angen i weinidogion fynd i afael â’r radd “frawychus” o drais rhywiol sydd yn cyrraedd y llys yng ngwledydd Prydain, meddai’r Blaid Lafur.

Dywed twrnai cyffredinol yr wrthblaid, Nick Thomas-Symonds, hyn wrth gyfeirio at ystadegau swyddogol y Swyddfa Ystadegau Cenedlaethol sy’n dangos mai dim ond 1.7% o gyhuddiadau o dreisio sy’n cyrraedd y llys.

“Mae’r ffigurau ofnadwy wedi mynd yn waeth dros y misoedd diweddar,”  meddai.

Dywed bod swyddogion cyfreithiol y Llywodraeth yn llywyddu sefyllfa ble mae dros 98% o achosion yn methu i gyrraedd y cam cyhuddo.

Yn ôl y Twrnai Cyffredinol Lucy Frazer mae cyfradd yr euogfarnau “angen cynyddu” a bod cynlluniau ar waith i wella hyn.

“Trais rhywiol yw un o’r troseddau mwyaf anodd ei phrofi,” meddai, gan nodi ei fod “yn aml yn dibynnu ar ddweud a thystiolaeth unigolion – tystiolaeth dau berson”.