Cyhoeddi deddfwriaeth Cymru ar roi organau

Mesur drafft yn esbonio sut mae Llywodraeth Cymru am gyflwyno’r system

18 Mehefin 2012

Mae Gweinidog Iechyd Cymru yn cyhoeddi deddfwriaeth heddiw ar roi organau. Bydd y mesur drafft yn esbonio sut mae Llywodraeth Cymru am gyflwyno system ble bydd pobol yn cael eu cynnwys yn awtomatig ar restr rhoi organau, oni bai eu bod nhw’n datgan eu gwrthwynebiad i hynny.

Mae Lesley Griffiths wedi bod yn cyhoeddi’r ddeddfwriaeth yn stadiwm athletau Llecwydd yng Nghaerdydd a bydd y Llywodraeth nawr yn ymgynghori ar y newidiadau dros gyfnod o dri mis.

Mae Plaid Cymru wedi croesawu’r system newydd o dybio bob pobol am roi organau ond wedi dweud bod hi’n bwysig fod trafodaeth lawn ar y mater er mwyn i bryderon pobol gael eu clywed.

Ym mis Ebrill dywedodd Cymdeithas y Cyfreithwyr fod agweddau o gynlluniau Llywodraeth Cymru ar roi organau yn “aneglur”. Cododd y Gymdeithas gwestiynau ynglŷn â materion traws-ffiniol rhwng Cymru a Lloegr, ac amheuon ynglŷn â hawl y teulu i wrthod rhoi organau perthynas a fu farw.

“Gall rhoddwr arbed bywydau naw o bobol eraill”

Dywedodd Lesley Griffiths fod y Llywodraeth yn bwriadu cyflwyno’r newidiadau i’r drefn rhoi organau yn 2015.

O dan y drefn newydd caiff pobl y cyfle i nodi eu bod yn rhoddwyr ac optio i mewn neu fel arall i beidio â bod yn rhoddwyr ac optio allan drwy osod eu henw ar gofrestr.

Bydd y gwasanaeth iechyd yn tybio fod pobol dros 18 oed sy’n dewis peidio gwneud y naill na’r llall yn cydsynio i roi eu horganau i’w trawsblannu, ond dywed y Llywodraeth heddiw “na fydd modd bwrw ymlaen heb gymorth y teulu” ac y bydd modd i deuluoedd ddatgan gwrthwynebiad. .

Dywedodd y Gweinidog Iechyd mai nod y newid yn y gyfraith fydd cynyddu nifer y rhoddwyr organau a meinweoedd ac i arbed bywydau.

“Gall un rhoddwr wella ac arbed bywydau hyd at naw o bobol eraill drwy roi eu horganau a llawer mwy drwy roi eu meinweoedd” meddai Lesley Griffiths.

“Mae Cymru wedi gweld cynnydd o 49% yn y cyfraddau rhoi organau ers 2008, ac mae hyn yn llwyddiant anferthol i fod yn falch ohono. Ond mae prinder organau i’w trawsblannu o hyd. Yn 2011/12 bu farw 37 o bobl yng Nghymru tra’r oeddent yn aros am organ.

“Rwy’n credu bod yr amser wedi dod i gyflwyno newid yn y gyfraith, ynghyd â rhaglen gyfathrebu ac addysgu eang i annog pobl i wneud penderfyniad ac i sicrhau bod eu teuluoedd yn gwybod beth yw eu dymuniadau.”

Yn y lansiad heddiw cyfarfu’r Gweinidog Iechyd â dau athletwr sydd wedi derbyn organau gan roddwyr ac sydd wedi cystadlu yng Ngemau Trawsblannu’r Byd – Stuart Davies o Fancffosffelen a Tracy Baker o Gastell Nedd.

Poblogaidd

Swyddi

Trydan Gwyrdd Cymru

Arweinydd Cysylltiadau Grid

Trydan Gwyrdd Cymru

Rheolwr Prosiect

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

13 sylw

Medwen Scourfield 18 Mehefin 2012, 09:43

Cytuno John Griffith – hawliau dynol yn cael ei taflu ei ffwrdd. Mae’r ddefwriaeth hon hefyd yn gwbl Anghristnogol ac yn ein gwahardd rhag fod yn stiwardiaid ar ein cyrff. Fel un sydd wedi cario cerdyn cyflwyno ers dros 32 o flynyddoedd rwyf eisoes wedi nodi i’r Cynulliad yn yr ymgynhoriad y byddaf y funud y bydd y ddeddf hon yn cael ei pahsio yn cofrestru fy nghwrthwynebiad i’m organau cael ei defnyddio. Ni wnaf adael i’r wladwriaeth ddweud wrthyf beth medraf / na medraf ei wneud a’r hyn sy’n eidodo i mi.

Osian 18 Mehefin 2012, 13:17

Nid y llywodraeth sydd angen ein horganau, ond pobl sy’n marw yn ein hysbytai yn llawer rhy aml.

Ond efallai fod y syniad o achub bywydau yn ormod i’r “Cristnogion” gwbl hunan-gyfiawn yn ein plith, sy’n galw eu hunain yn “foesol”.

“Beth ydwyt ti a minnau frawd, ond swp o esgyrn mewn gwisg o gnawd?” (T H Parry Williams).

Guto 18 Mehefin 2012, 14:08

O rargian… Mae gan bawb y dewis i beidio â rhoi eu horganau.

Os neith o helpu, meddyliwch eich bod chi neu berthynas i chi ar restr aros am galon newydd, heb wybod a fyddwch chi’n fyw neu’n farw erbyn i un ddod ar gael, a sut fyddech chi’n teimlo o gael gwybod bod un wedi cyrraedd. Wedyn, triwch weld mor pathetig ydi troi hyn yn fater am eich ‘cydwybod’ libertarian.

A dwn im am Gristnogaeth, ond onid oes sôn yn y Beibl mai dim ond llestr gwag yw corff marw ar ôl i’r enaid ymadael?

Medwen Scourfield 18 Mehefin 2012, 15:14

Dim o gwbl – fel Cristion fe roddwyd fy nghorff i mi i fod yn stiward arno – yn union fel y rhoddwyd y blaned hon i mi i’w gwarchod a gwenud yr hyn a allaf drosti. Fy mhenderfyniad i, a mi yn unig, yw a ydwyf am roi fy organau i rhywun a’m penderfyniad oedd, fel stiwrad ar fy nghorff, fy mod am gyflwyno rhodd Duw i sicrhau bywyd i arall. Bellach, unwaith y daw’r ddeffwriaeth hon i’r fei mae’r wladwriaeth yn datgan mai hi sydd berchen fy nghorff – nid yw hynny yn cyd-redeg a’m ffydd felly er sylweddoli beth rwy’n ei wneud rhaid i mi ddal at yr hyn sy’n bwysig i mi. Mae yna ddigon o ffyrdd eraill i gynyddu y nifer o oragnau a gynigir – er enghrafft gall deddf gwlad ddatgan bod yn rhaid i rywun sydd a thrwydded gyrru fod wedi gwneud penderfyniad – cyflwyno neu dim cyflwyno organau. Nid yw hynny yn mynd yn erbyn yr un egwyddor. A Guto … efallai eich bod chi am fyw mewn byd heb gydwybod – rhyddid i chwi wneud hynny – nid dyna’r byd rwy am fyw ynddo – rwy am fyw mewn byd lle nad ydym yn crogi pobl, lle nad yw ewthanasia yn bodoli, lle mae parch ar henaint, a lle mae hawl gan bobl arddel a byw eu ffydd. Ac fel Cristion os mae cydwybod libertarain y galwch chi fe – gai nodi mai rhyddid ewyllys rwy’n ei alw. Gai hefyd ofyn i Tu Hwnt pryd y clywodd e fi yn son am bechodau? Nes i ddim defnyddio’r gair o gwbl. Nes i ddim chwaith ddweud nad oeddwn yn derbyn barn y mwyafrif ar y deddfwriaeth – y cyfan a wnes oedd dweud ble y byddwn i’n sefyll ar y mater. Yn anffodus mae Tu Hwnt yn amlwg wedi syrrthio i’r fagl Dawkinaidd o edrych trwy ddrych y sterotypical … ac am y geiriau: Rhywbeth i wneud eich hun i edrych yn dda ymysg eich ffrindiau Cristnogol oedd hyn, nid o’ch “moesoldeb” chi eich hun … efallai y cyfan ddylwn ddweud yw ‘tynn y trawst o’th lygad dy hun cyn gweld y brycheuyn yn llygad dy frawd'”

Medwen Scourfield 18 Mehefin 2012, 17:57

Dydw i ddim yn ceisio cyfiawnhau beth rwy’n ei gredu Tu hwnt – rwy’n hapus ddigon a’m dealltwriaeth i o’r hyn mae’r Ysgrythyr yn ei ddweud – mae’n ymddangos i mi mae gyda chi mae’r broblem nid gyda fi. Rwy’n derbyn eich safaid – rwy’n anghytuno a hi ond eich rhydidd chi yw hynny – nid fi fydd yna tebol amdanoch chi mwy na chi fydd yna atebol amdanaf fi. Y cyfan rwy’n geisio ei ddweud yw mod i yn dal yr egwyddor hwn oherwydd dyma sut rwy’n deall yr hyn sy’n iawn – chithe ‘rwy’n cymryd yn gwneud yr un peth a gwel;d pethau’n wahnaol … dyan ryfeddod y rhwy ddynol a gwych yw hynny! Y gwahaniaeth mawr efallai yw nad ydw i’n cerdu bod hawl genny i ddwedu wrthoch beth sy’n iawn tar mod i’n cael eich teimald eich bod chi’n credu mai chi a chi yn unig sy’n iawn ac yn deall bywyd.

John Griffith 18 Mehefin 2012, 18:27

Yr ydym, bob blwyddyn, yn gorfod cofrestru er mwyn pleidleisio. Paham na chawn ddefnyddio yr un ffurflen er mwyn cofnodi ein dymuniad ynglŷn a’n organau?

Pwy fydd yn derbyn yr organau hyn? Cleifion Cymru, neu gleifion y D.U., neu gleifion Ewrop efallai? Beth os yw estron yn marw yng Nghymru, a fyddem yn cymryd yr organau (er bod y creadur ddim wedi cael cyfle i wrthwynebu tra’n fyw)?

Ac mi ddwedai eto: Yr eironi yw, petai mwy ohonom fel Medwen wedi cario cerdyn, ni fuasai angen y ddeddf hon, ac mi fuasai mwy o bobl yn fyw heddiw. .

Tu Hwnt 18 Mehefin 2012, 18:39

“Mae hyn yn gwbl anghristnogol” oedd beth a ddywedoch i ddechrau. “Dehongliad” yw hyn, yntau datganiad hollol ddi-gwestiwn?

Dwi wrth gwrs yn cytuno a phwysigrwydd cael amrywiaeth barn, Golwg 360 yw hwn ac nid Golwg 30! Fy mhroblem ydy pan mae rhywun yn ceisio dod a geiriau fel “cwbl anghristnogol” i mewn i’r ddadl, mae’n awgrymu fod unrhywun sydd yn anghytuno yn llai o Gristion na chi.

Tydw i ddim yn grefyddol fy hun ond dwi’n gwbod am lawer o fy ffrindiau sydd yn Gristnogion ffyddlon ac sydd yn cefnogi y mesur hwn.

Felly peidiwch a chwyno am bobl yn “gwthio eu credou” ar eraill pan mai chi ddechreuodd hynny yn y lle cyntaf.

Tu Hwnt 18 Mehefin 2012, 18:49

Wel da iawn chi John, mae’n amlwg fod eich cerdyn wedi golygu gymaint i chi fel eich bod yn barod nawr i’w daflu i’r domen sbwriel jest er mwy profi pwynt.

Da iawn chi, rydych yn gosod esiampl i ni i gyd.

Hirben 18 Mehefin 2012, 20:05

Nid oes gan y wladwriaeth hawl i gipio organau pobl fel hyn. Gellir dewis eu rhoi fel rhodd, ond meddyliwch am deimladau teulu’r ymadawedig pan gaiff ei organau eu rhipio o gorff nad ydyw eto yn oer. Ansensitif iawn. Pan fydd rhywun yn marw mewn damwain car er enghraifft, mae’n rhaid gweithredu ar unwaith. Sut mae gwybod o ba wlad y daw rhywun? Beth petai Cymri yn cael ei ladd yn Lloegr, beth fydd yn digwydd i’w organau wedyn, achos fydd neb yng Nghymru yn cario cardiau ‘doner’ wedyn. Magl fyddai hyn ac enghraifft eto o’r Cynulliad yn ymhel ag unrhyw beth nad ydyw’n ymwneud â chreu economi gref a swyddi i bobl.

John Griffith 18 Mehefin 2012, 21:19

@ Medwen Scourfield. Da iawn chi am ddadl gref ag urddasol.

Medwen Scourfield 18 Mehefin 2012, 21:59

Fy nehonglaid i wrth gwrs yw hyn o’r ysgrythyr a sut y gwelaf i bethau – yn union fel y byddwn yn dweud am ewthanasia. Mae genny ffrindiau sy’n credu mewn ewthanasia sydd hefyd yn Gristnogion ond mi rydw i’n credu eu bod yn dehongli Gair Duw yn anghywir ac yn dweud hynny wrthynt — gan dedrbyn eu bod hwythau yn credu yr un peth a minnau.

Medwen Scourfield 18 Mehefin 2012, 23:00

Adam rydych yn cymsygu dwy egwyddor hollol wahanol.

Egwyddor 1: stiwardiaeth o’ r corff – Duw sydd wedi ei roi i mi i ofalu amdano – i’w ddatblygu, i’w barchu … fy nyletswydd i – a mi yn unig – yw edrych ar ei ol ….. nid dyletswydd y wladwriaeth nag Adam Jones nag unrhyw un arall.

Egwyddor 2: dyletswydd Cariad Duw i helpu cyd-ddyn. Does dim angen ehangu ar hynna.

Felly, pan mae arnaf fi roedd y dewis yn disgyn i roi organau mi wnes ac mi wnaf. Ond mae’r ddedfwriaeth newydd hon os daw i rym yn mynd yn gwbl groes i egwyddor stiwardiaeth bersonol. nae mae i fyny i chi benedrfynnu sut y wgelwch pethau – dydw i ddim yn credumewn agwedd Machiafelaidd at bethau, dydw i chwaith ddim yn dilyn llwybr wtalitatriaeth felly er bod canlyniad y ddeddf hon yn gwbl resymol a phositif mewn llawer ystyr nid yw hyn i mi yn cyfiawnhau y ddeddf. Yn union yr un peth y gellid dadalau bod deddf gwasanaeth cenedlaethol adeg rhyfel yn arwain i waredigaeth o deyrn neu unben ac o fudd i gymdeithas nid yw hynny, i mi, yn cyfianwhau lladd pobl na gorfodi pobl i filwrio. Felly yn y cyd-destun hwn byddai rhaid wynebu dirmyg bod yn wrthwynebydd cydwybodol er bod person am ddiogelu cymdeiaths …. yng nghyd destun organau rhaid cofrestru gwrthwynebiad er gwybod y canlyniad i berson gwael.

Gyda llaw nid yw’n deg nodi fy mod wedi dweud nad oes dewis – dydw i erioedw edi wdedu hynny – wrth wgrs bod yan ddewis nid dyna fy nadl. Fy nadl yw bod y wladwriaeth yn perchnogi eich corff a chymryd yr hawl i wneud penderfyniad.

Medwen Scourfield 18 Mehefin 2012, 23:03

Gutro – mae perffaith ryddid gennych iw nedu beth y mynoch. O’m adnabyddaieth i o’r Tad Mawr rwy’n credu bydd unrhyw un sydd o waelod calon yn credu ei fod wedi gwneud y peth iawn am resymau oedd o ystyriaeth ddwys ac mewn gweddi yn gwbl gytbwys a’i ddealltwriaeth o’r Ysgrythur yn cael lle wrth ei ochr. Braf byddai meddwl y bydd lle i ni;n dau yno!

Mae’r sylwadau wedi cau.

Cyhoeddi deddfwriaeth Cymru ar roi organau

Mesur drafft yn esbonio sut mae Llywodraeth Cymru am gyflwyno’r system

Poblogaidd

← Stori flaenorol

Stori nesaf →

Hefyd →

13 sylw