Plaid Cymru yn parhau i arwain Cyngor Conwy

Cynghorydd Dilwyn Roberts
Mae Plaid Cymru am barhau i arwain Cyngor Conwy ar ôl i’r Cynghorydd Dilwyn Roberts gael ei ethol yn Arweinydd y bore ‘ma.

Mae Dilwyn Roberts yn ail-gydio yn y swydd yr oedd yn dal cyn yr etholiadau ar 3 Mai.

Mae Cyngor Conwy yn cael ei redeg gan glymblaid o bedwar grŵp, ond nid oes lle ar y bwrdd i’r blaid a gafodd y ganran uchaf o’r pleidleisiau yn y sir, sef y Ceidwadwyr.

Ar y Cabinet o 10 cynghorydd mae 3 o Blaid Cymru, 3 o Lafur, 4 Annibynnol ac un Democrat Rhyddfrydol.

Cafodd y Cynghorydd Stuart Anderson ei ethol yn Gadeirydd y Cyngor ar gyfer 2012/13 a’r Cynghorydd Liz Roberts ei hethol yn is-Gadeirydd

5 sylw

Iwan Rhys 17 Mai 2012, 14:03

Felly mae Plaid Cymru yn arwain 3 chyngor sir – Conwy, Gwynedd a Cheredigion. Canlyniadau go dda i’r Blaid wedi’r cyfan!

Adam Jones 17 Mai 2012, 17:00

Er dwi ddim yn hoffi’r Ceidwadwyr os taw nhw oedd y grŵp fwyaf does bosib y dyle bod lle democrataidd iddynt ar y cyngor?

Fel pleidiwr o Sir Gâr sydd o hyd yn pregethu bod Plaid Cymru y blaid fwyaf wedi cael ei chau allan o weinyddiaeth y cyngor ers 8 mlynedd bellach. Mae’n gwbl annheg ac anghymesur. Sai’n cytuno â gwadu democratiaeth mae arnaf ofn.

Dylan Llyr 17 Mai 2012, 18:46

Nid gwadu democratiaeth mo hyn o gwbl, ac rwy’n gwingo o weld Pleidwyr yn cwyno bod y sefyllfa yn Sir Gaerfyrddin yn annemocrataidd hefyd. Yn y ddwy sir mae’r boblogaeth wedi pleidleisio mewn ffordd sydd wedi galluogi carfannau i ddod at ei gilydd a chreu mwyafrif sy’n cefnogi rhaglen lywodraethol benodol.

Yn Sir Gaerfyrddin, os oes mwy yn gyffredin rhwng y Blaid Lafur leol a cheidwadwyr cudd yr “Annibynnwyr” – h.y. bod mwy yn gyffredin rhyngddynt nag sydd rhwng yr un ohonynt a Phlaid Cymru – yna mae ganddynt berffaith hawl i ffurfio mwyafrif glymbleidiol. Cyfrifoldeb yr etholwyr yw pleidleisio’n wahanol y tro nesaf os ydynt yn anhapus.

Mae’n drist mai’r un hen wynebau fydd wrthi’n arwain y sir honno eto fyth, ond nid yw hynny’n golygu bod y peth yn annemocrataidd o fewn y system sydd ohoni (wrth gwrs byddai cyflwyno STV yn sicrhau gwell democratiaeth a thegwch o lawer, ond mater arall yw hynny).

Dylan Llyr 17 Mai 2012, 18:56

Hefyd, mae’r ddadl honno’n rhoi hawl ddwyfol i’r Blaid Lafur dra-arglwyddiaethu ym Mae Caerdydd cyhyd ag y mae ganddi o leiaf un sedd yn fwy nag unrhyw blaid arall. Dychmyger sefyllfa hypothetig lle mae gan Lafur 20 sedd, Plaid Cymru 17, y Democratiaid Rhyddfrydol 15 a’r Ceidwadwyr 8 (ie ie, dychmyger! Hypothetig!). A fyddai wir yn warthus ac annemocrataidd petai PC a’r DRh yn penderfynu bod gan eu hamcanion fwy’n gyffredin gyda’i gilydd na chydag unrhyw un o’r pleidiau eraill? Gyda’i gilydd byddai ganddynt fwyafrif a byddai’r etholwyr wedi rhoi mandad iddynt.

Mewn system lle mae clymbleidio’n gyffredin, a bod yn onest dylai pwy yw’r blaid fwyaf fod yn amherthnasol. Wrth gwrs, mae ansefydlogrwydd am gynyddu wrth i’r nifer o bleidiau gynyddu mewn llywodraeth, ond mae hynny’n fater gwahanol.

Jones 18 Mai 2012, 00:06

Adam Jones- dyma yw gwleidyddiaeth!.

Felly yng Nghymru pe bai y Toriad yn cael 23 sedd a (Llafur 17 + PC 20 = 37). Tin deud y Toriad dylsai fod yn Llywodraeth (gan gofio bod mwyafrif or bobl wedi penderfynnu i fynd tuag at yr ochr sosialaidd?

Wti hefyd yn deud mai y Toriad a Llafur dylsai fod yn Llywodraeth yn San Steffan oherwydd y NHW ywr 2 blaid fwyaf.

Na, dwi ddim yn meddwl. Gwleidyddiaeth yw gwleidyddiaeth- nath PC ddim enill yn Sir Gar- get over it!

Mae’r sylwadau wedi cau.

Plaid Cymru yn parhau i arwain Cyngor Conwy

Clymblaid yn rhedeg y Cyngor ond dim lle i’r Ceidwadwyr

Swyddi

Aelodau

Swyddog Iaith Gymraeg

Ceidwad Cadw (Gogledd Cymru)

Ceidwad Cadw (De Cymru)

Rheolwr Gwybodaeth i’r Cyhoedd

Cyfarwyddwr Cyfathrebu a Marchnata Menter a Busnes

Pennaeth Technoleg, Newid ac Arloesi Menter a Busnes

Pennaeth Datblygu Masnachol Menter a Busnes

Rheolwr Gweinyddol

Cyfarwyddwr Addysg, Gwasanaethau Plant a Theuluoedd

← Stori flaenorol

Bydd yr Alban yn cael pleidlais arall ar annibyniaeth – Ian Blackford

Stori nesaf →

Pump am gystadlu yn is-etholiad mawr Bryncrug

Hefyd →

Fy Hoff Raglen ar S4C

5 sylw