Storm Eunice – y diweddaraf

Mae mwy na 1,800 o gartrefi heb drydan fore heddiw (dydd Gwener, Chwefror 18) o ganlyniad i Storm Eunice.

Mae’r Swyddfa Dywydd wedi cyhoeddi rhybudd coch, sy’n golygu bod perygl i fywydau wrth i’r gwynt godi i gyflymdra o fwy na 90m.y.a. mewn rhai ardaloedd, yn enwedig ar hyd yr arfordir.

Daeth y rhybudd coch i rym am 7y.b., ac fe fydd yn ei le tan ganol dydd.

Mae rhybudd oren yn ei le ers 3y.b. ac fe fydd yn ei le tan 9 o’r gloch heno.

12:54 ↑

Mae Heddlu’r De wedi bod yn ymateb i alwadau am lori sydd wedi moelyd ar yr M4 yn ardal Margam.

#StormEunice | Westbound j37 pyle to j38 Margam, report of a lorry overturned. Traffic Wales Officers are attending.

Please expect delays and avoid the area using alternative routes.

^bp pic.twitter.com/YF0APkM2vj

— South Wales Police Control Room (@swp101) February 18, 2022

Ym Mhorthcawl, mae un o brif strydoedd y dref ynghau gan fod teils toeon yn cael eu chwythu i’r ffordd ger Gwesty Porthcawl.

Rhannu

12:01 ↑

Mae Cymdeithas yr Iaith yn dweud y bydd rali Nid yw Cymru ar Werth yn mynd yn ei blaen yn Aberystwyth fory (19 Chwefror) er gwaetha’r tywydd garw.

Gan fod y rhagolygon yn “addawol” fory, bydd y rali’n dechrau wrth Y Lanfa ger Pont Trefechan am 1:30yh.

Bydd Heledd Gwyndaf, cyn-gadeirydd Cymdeithas yr Iaith, yn annerch y dorf, cyn bod gorymdaith drwy’r dref at swyddfeydd Llywodraeth Cymru.

Yno, bydd Bryn Fôn, Mabli Siriol, Mared Edwards, Tecwyn Ifan, a Gwenno Teifi yn siarad.

Mae rhagolygon tywydd yfory yn addawol felly bydd rali Tynged yr Iaith yn mynd yn ei flaen yfory (19/02)https://t.co/emSwbbGOIP

Ymgynnull wrth Y Lanfa ger pont Trefechan o 1.30, cofiwch ganiatáu digon o amser i gyrraedd#nidywcymruarwerth pic.twitter.com/b22pnvcF5M

— Cymdeithas yr Iaith (@Cymdeithas) February 18, 2022

Er hynny, mae’r prom yn Aberystwyth ar gau heddiw yn sgil y storm, meddai Cyngor Ceredigion, ac roedd y môr i weld yn wyllt ar Draeth y De fore heddiw.

Pen llanw bore heddiw yn Aberystwyth #eunice #aberystwyth @BBCCymruFyw @Golwg360 pic.twitter.com/V3TrXbENUY

— Iestyn Hughes (@Traedmawr) February 18, 2022

Cymru

Myfyrwyr yw “dyfodol cymunedau Cymru,” yn ôl Llywydd UMCA ar drothwy rali Tynged yr Iaith 2022

Gwern ab Arwel

Mared Edwards i annerch y rali i ddathlu 60 mlynedd ers Tynged yr Iaith, sy’n cael ei chynnal ddydd Sadwrn (Chwefror 19) yn Aberystwyth

Rhannu

11:34 ↑

Mae’r ffotograffydd Richard Jones wedi cyhoeddi lluniau’r llanw uchel yng Nghaernarfon ar ei gyfrif Twitter.

Llanw uchel Caernarfon ??????? pic.twitter.com/WbB2pKKu3p

— Richard Jones (@lluniaurich) February 18, 2022

Rhannu

11:23 ↑

Mae’r ddwy bont dros yr Hafren, Pont Hafren yr M48 a Phont Tywysog Cymru yr M4, bellach wedi’u cau i’r ddau gyfeiriad oherwydd gwyntoedd cryfion.

Dyma’r tro cyntaf erioed i’r ddwy bont orfod cau yn sgil y gwynt, mae’n debyg.

Mae timau rheoli ar eu ffordd yno nawr i nodi bod yr M4 ar gau, ac mae pobol yn cael eu hannog i beidio teithio at y pontydd.

Rhannu

11:10 ↑

Mae gwyntoedd o 87 milltir yr awr wedi cael eu cofnodi yn y Mwmbwls, sef y cryfaf yng Nghymru hyd yn hyn.

Erbyn hyn, mae tua 7,000 o gartrefi yn y de heb drydan, yn ôl Western Power Distribution.

Y brif broblem ar hyn o bryd yw bod coed yn disgyn a sbwriel yn hedfan yn y gwynt yn tynnu gwifrau trydan lawr, meddai’r cwmni.

Mae coed wedi disgyn yn ei gwneud hi’n anodd i weithwyr fynd at y diffygion, hefyd.

Rhannu

10:56 ↑

Mae lôn 1 a 2 ar yr M4 tua’r Gorllewin rhwng cyffordd 37 Y Pîl a chyffordd 38 Groes wedi’u blocio ar ôl i lori droi drosodd.

Ar hyn o bryd, mae’r drydedd lôn ar agor, ac mae Traffig Cymru’n rhybuddio pobol i fynd yn eu blaenau’n ofalus.

⚠️Rhybudd ⚠️#M4 Tua'r Gorllewin C37 Y Pîl – C38 Groes.

Lôn 1 a 2 wedi'u blocio ar hyn o bryd oherwydd Cerbyd Nwyddau Trwm wedi'i wrthdroi.

Swyddogion traffig ar y ffordd. Ewch ymlaen yn ofalus. pic.twitter.com/pK3ge6Skd3

— Traffig Cymru De #DiogeluCymru (@TraffigCymruD) February 18, 2022

Rhannu

10:52 ↑

Mae’r RSPCA yn cynghori perchnogion anifeiliaid i lunio cynlluniau rhag ofn iddyn nhw gael eu heffeithio gan lifogydd.

Maen nhw’n annog pobol i symud anifeiliaid i dir uwch os oes llifogydd, neu symud anifeiliaid anwes tu mewn, a’u rhoi nhw fyny grisiau os yn bosib.

“Rydyn ni’n annog perchnogion anifeiliaid anwes i gadw llygad ar y rhagolygon tywydd eu hardal nhw, a chynllunio ymlaen llaw i sicrhau diogelwch eu hanifeiliaid,” meddai llefarydd ar ran yr RSPCA, Amy Ockelford.

“Gwnewch yn siŵr bod gennych chi gynllun fel eich bod chi’n gwybod sut i gael eich teulu, ac eich anifeiliaid, allan o berygl pe bai llifogydd yn eich effeithio.

“Mae llifogydd yn codi’n sydyn felly byddwn ni’n annog pobol i weithredu’n gynnar, a pheidio byth roi eu hunain mewn perygl i helpu anifeiliaid ond, yn hytrach, galw ein tîm achub brys ar 0300 1234 999 am help.”

Cymru

Rhybudd ynghylch diogelwch anifeiliaid o ganlyniad i Storm Eunice

Mae’r RSPCA wedi cyhoeddi canllawiau yn sgil y tywydd

Rhannu

10:29 ↑

Yn ôl Western Power Distribution, gallai ardal Sanclêr yn Sir Gaerfyrddin fod heb drydan tan 1yp.

Maen nhw’n dweud bod peirianwyr yn ceisio datrys y sefyllfa ar hyn o bryd, ac wedi ymddiheuro am yr anghyfleustra.

Rhannu

10:24 ↑

Mae Cyfoeth Naturiol Cymru wedi cyhoeddi tudalen o rybuddion am lifogydd, gan rybuddio pobol i “fod yn barod”

⚠️ ? Rydym yn annog pobl sy’n byw ger, ag arfordir Cymru i fod yn barod ar gyfer llifogydd heddiw #StormEunice

Ewch i’n tudalennau rhybuddion llifogydd sy’n cael eu diweddaru bob 15 munud ? https://t.co/q9B9HVqf3A pic.twitter.com/o9o1XZaTCr

— Cyfoeth Naturiol Cymru | Natural Resources Wales (@NatResWales) February 18, 2022