Etholiad Senedd 2021 – dydd Sadwrn

Bore da! Dyma ni nôl yn dilyn noson lwyddiannus iawn i Mark Drakeford a’r Blaid Lafur.

Sortiwyd 40 etholaeth ddoe, gyda Llafur yn cipio 27 sedd, y Ceidwadwyr 8 a Phlaid Cymru 5.

Cafwyd canlyniadau tair rhanbarth hefyd gyda Llafur yn ennill 3 sedd ychwanegol, y Ceidwawyr yn cael 4, a Phlaid Cymru hefyd yn cael 4… ac, wrth gwrs, ar y funud olaf un fe wnaeth y Democratiaid Rhyddfrydol osgoi wipeout wrth i Jane Dodds gael ei hethol oddi ar restr Canolbarth a Gorllewin Cymru.

Mae hyn oll wedi gadael ni gyda’r sefyllfa a welwch chi ar ein map hyfryd….

Bore da! Dyma’n prif straeon y bore yma:

Llafur Cymru’n paratoi am dymor arall wrth y llyw yn y Senedd

Maen nhw wedi ennill cyfanswm o 30 o seddi – gydag ambell ganlyniad rhanbarthol eto i ddod

Jane Dodds, arweinydd y Democratiaid Rhyddfrydol, yn addo “gweithio’n adeiladol”

Mae hi wedi’i hethol i sedd ranbarthol yn y Canolbarth a’r Gorllewin

A gallwch chi hefyd edrych yn ôl dros ddiweddariadau blog byw ddoe a neithiwr:

Etholiad Senedd 2021 – dydd Gwener

Garmon Ceiro

Canlyniadau Etholiad Senedd 2021, a’r holl ymateb