Etholiad Cyffredinol 2024 – y canlyniadau

Douglas Alexander, cyn weinidog cabinet i Tony Blair yn copio East Lothian oddi ar yr SNP o 23,000 i 10,000. Pe bai hyn yn adlewyrchu’r hyn sy’n digwydd drwy’r Alban ddiwydiannol byddai’n noson ddifrifol o siomedig i’r SNP.

Canlyniad Ynys Môn, ac mae’n un arwyddocaol iawn! 

Llinos Medi o Blaid Cymru’n cipio’r sedd o ddwylo Virginia Crosbie o’r Ceidwadwyr. 

Llinos Medi yn amlwg yn emosiynol iawn wrth wneud ei haraith. Wrth ddyfynu sgwrs gyda rhywun yn gynharach yn y dydd a ddywedodd wrthi ei bod yn falch ei bod am fod yn MP, meddai:

“…dwi ddim isio bod yn MP, dwi ddim ond isio cynrychioli Ynys Môn dwi’n caru gymaint.”

32% o’r bleidlais i Blaid Cymru, cwta 637 o fwyafrif dros y Ceidwadwyr. Gogwydd 4.5% o’r Ceidwadwyr i Blaid Cymru. 

Yr Ysgrifennydd Amddiffyn Grant Shapps yn cael ei guro gan Lafur yn Welwyn Hatfield ar gyrion Llundain

Caerffili a Rhondda Ogwr eto … y stori amlwg ydi fod cefnogwyr Llafur a’r Ceidwadwyr wedi symud neu aros gartre’, ond mae’r syfleini Llafur yn ddigon cry’ ar hyn o bryd i gadw’r seddi. Os na fydd Keir Starmer (sydd newydd gael ei ethol) yn llwyddo’n sydyn, mi fydd Llafur yn poeni am etholiad y Senedd yn 2026.

Canlyniad o Rhondda ac Ogwr – dim syndod bod Chris Bryant wedi cadw ei sedd. 

Caerffili – Chris Evans o Lafur yn mynd â hi, gyda Lynsay Whittle o Blaid Cymru yn ail. 

Rhys Owen (Gohebydd Gwleidyddol)

Y stori hyd yn hyn…

Mae’r Ceidwadwyr yn edrych fel ei bod wedi’u chwalu ar draws y wlad, gyda Reform yn bwyta i mewn i’w pleidlais fwy ac yn fwy. 

Ar y pwynt o ysgrifennu hwn mae Keir Starmer jest wedi ennill yn Hoburn a St Pancras a does ddim amheuaeth bod o wedi bod yn noson ardderchog i’w blaid. 

Yng Nghymru, mae Reform wedi dangos grym yn y de sydd yn mynd i fod yn bwysig yn Senedd 2026 os mae’r momentwm yn parhau i dyfu dros yr 18 mis nesaf. 

Rydym rŵan yn aros ar etholaethau ymylol yng Nghymru i weld os mae Plaid yn gallu cadw 4 sedd, hyd yn oed ar ôl newid y ffiniau, ac os mae pleidiau fel y Gwyrddion yn gallu dangos twf mewn ardaloedd trefol fel Caerdydd. 

Mi fyddai’n cadw ar draws hyn ar ôl i bleidlais Ynys Môn gael ei gyhoeddi pen ryw 10 munud.

Gan Sara Wheeler yn Wrecsam

Yn ei araith mi wnaeth Charles Dodman ddweud ei bod yn ganlyniad gwych, o ystyried fod y blaid Reform UK ddim ond wedi bodoli ers 6 wythnos

Dyma’r canlyniad llawn:

Ceidwadwyr – 9888

Llafur – 15836

Plaid Cymru- 4138

Dems Rhydd – 1777

Gwyrddion – 1339

Abolish – 480

Reform – 6915

Buddugoliaeth rwydd i Keir Starmer yn ei etholaeth Kings Cross & St Pancras yn Llundain, wrth i enillion cynyddol gan Lafur yn Lloegr gadarnhau y bydd yn Brif Weinidog o fewn oriau

Mae Mark Drakeford (y cyn Brif Weinidog, cofio fo?) yn dweud y bydd Torsten Bell (Gorllewin Abertawe) yn ffigwr pwysig yn y Blaid Lafur. Ond roedd y cwymp yng nghanran y blaid o’r bleidlais yn dangos anfodlonrwydd cefnogwyr lleol efo’r penderfyniad i barashiwtio cyn bennaeth y Resolution Foundation i mewn.

A throednodyn – ym Mro Morgannwg, mae gan Lafur bellach gynrychiolydd a aeth trwy Eton … ar ysgoloriaeth yr aeth Kanishka Narayan yno. Roedd y Guardian yn dweud ei fod yntau ymhlith 10 o ser newydd Llafur.

Canlyniad Gŵyr ydy’r nesaf o Gymru, a dim syndod wrth Tonia Antoniazzi o’r Blaid Lafur yn cadw ei sedd gyda mwyafrif o 11,567.

Llafur yn colli 2% o’r bleidlais, ond y Ceidwadwyr lawr 21% hefyd. Reform fyny 13% a Phlaid Cymru hefyd fyny 3%