Etholiad Cyffredinol 2024 – y canlyniadau

Mae’n swyddogol, mae Llafur wedi ennill yr etholiad ac wedi pasio’r trothwy i ennill mwyafrif seddi Tŷ’r Cyffredin. 

Tueddiad sydd wedi cael ei gadarnhau yn yr etholiad yng Nghymru ac yn Lloegr ydi mai’r dinasoedd ydi cadarnleoedd pleidiau’r chwith bellach, tra bo ardaloedd ôl-ddiwydiannol yn troi fwyfwy i’r dde. O blith etholaethau Caerdydd, daeth Plaid Cymru, y Democratiaid Rhyddfrydol a’r Blaid Werdd yn ail mewn etholaeth yr un, heb Reform yn gwneud fawr o farc. Ar y llaw arall, Reform sy’n ail ym mron pob un o’r hen ardaloedd diwydiannol, gan ddod yn beryglus yn Llanelli, un o’r rhai Cymreiciaf oll ohonynt.

Tro arall ar fyd ydi bod gan Blaid Cymru fwyafrifoedd mwy yn eu cadarnleoedd cryfaf nag oes gan Lafur yn unlle.

Dylan Wyn Williams

Llafur gipiodd etholaeth Bangor-Aberconwy ac un Gorllewin Caerdydd hefyd (ymwadiad – y naill yn fro fy mebyd a’r llall yn gartre’ mabwysiedig i mi). Ond gall Plaid Cymru fod yn falch IAWN o’r ail safle yn y ddau le. Cafodd Catrin Wager 21.9% o’r bleidlais yn y gogledd (+5.7% o gynnydd), a Kiera Marshall 21.1% yn y de (+12.6% o gynnydd) – gan hwrjio’r Tori i’r trydydd safle a lluchio Reform yn bedwerydd. Roedden nhw’n amlwg wedi creu argraff ar Richard Wyn Jones ar noson dda iawn i PC yn nhermau San Steffan.

Dwy ymgeisydd cryf iawn ar gyfer Etholiadau Senedd Cymru 2026 falle?

Cyfweliad cyntaf Ben Lake ers cynyddu ei fwyafrif gan 16% i Blaid Cymru yn sedd Ceredigion Preseli gyda aeron360.

“Hynod, hynod o bles,” meddai am noson Blaid Cymru. 

“Fe wnaethon ni gychwyn yr ymgyrch yma yn gobeithio o gipio pedair sedd, i lwyddo i wneud hynny, mae’n arbennig.

“Ond hefyd, cael sawl canlyniad da, wedi dod yn ail mewn nifer o seddi eraill.

“Mae hi wedi bod yn noson dda.”

Canlyniad Maldwyn a Glyndŵr, lle’r oedd y Ceidwadwr Craig Williams oedd yng nghanol y sgandal betio, yn sefyll.

Ac yn wir, Llafur yn cipio’r sedd gyda Steve Witherden, wrth i’r Ceidwadwyr lithro i’r trydydd safle.

Rishi Sunak yn cydnabod ei fod wedi colli’r etholiad ac yn dweud ei fod wedi llongyfarch Keir Starmer

Rishi Sunak wedi cadw ei sedd â mwyafrif mawr, a Jeremy Hunt yn dal gafael ar ei etholaeth o drwch blewyn

Mae buddugoliaeth Liz Saville Roberts yn cadarnhau stori Plaid Cymru – llwyddiant eithriadol yn y Gorllewin – er fod cyfanswm ei phleidlais ychydig yn is, roedd y ganran yn uwch a’r mwyafrif dros 15,000. Os na fydd David TC yn cadw Sir Fynwy, dim ond dwy blaid fydd yn cynrychioli Cymru yn San Steffan. Yr her i’r Blaid yn 2026 fydd dod yn brif her i Lafur yng ngweddill Cymru. Dydyn nhw ddim wedi dod yn agos yn unman arall (er cryfhau yn Llanelli) ac nae Reform am fod yn rhwystr.

A, gyda llaw, wrth ennill yn Richmond mae Rishi Sunak wedi cydnabod bod y Ceidwadwyr wedi colli ac mai Keir Starmer fydd y Prif Weinidog nesa’.

Llafur yn cipio Dwyrain Clwyd o ddwylo’r Ceidwadwyr. Dyma’r Canlyniadau’r llawn

Y cyfweliad cyntaf gyda Ben Lake, AS Ceredigion Preseli