Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Garmon Ceiro
Blog byw Etholiad Senedd 2021 gyda fi, Garmon Ceiro, yng nghwmni Gohebydd Senedd Golwg, Iolo Jones, colofnydd Golwg, Jason Morgan, gohebydd golwg360 Cadi Dafydd… gyda chyfraniadau gan y sylwebyddion gwleidyddol Dafydd Trystan a Huw Prys Jones, Dr Huw Lewis o Brifysgol Aberystwyth, a chyd-sefydlydd Golwg, Dylan Iorwerth.
Dilynwch flog byw dydd Sadwrn am y diweddaraf.
Mabon ap Gwynfor (Plaid Cymru) yn mynd i’r Senedd yn hawdd, Ceidwadwyr yn ail pell, Llafur yn drydydd, Propel yn bedwerydd, Llais Gwynedd yn bumed
“Dw i wrth fy modd… mae’n etholaeth arbennig iawn” medd cyn-ddeiliad y sedd, Dafydd Elis Thomas
Y Ceidwadwyr yn cadw Gorllewin Clwyd.
Coch i gyd
Mae gan Rhanbarth Gorllewin De Cymru chwech sedd: Dwyrain Abertawe, Gorllewin Abertawe, Castell-nedd, Gŵyr, Ogwr, Pen-y-bont ar Ogwr.
Mae Llafur wastad wedi ennill pob un o’r seddi yma, ym mhob un etholiad Senedd, ac mae’n edrych yn debygol y byddan nhw’n ennill pob un eleni eto.
Hyd yma maen nhw eisoes wedi ennill Castell-nedd, Gŵyr, a Dwyrain Abertawe.
Mae’n debyg na fydd Llyr Huws Gruffydd yn rhy siomedig ar ôl dod yn drydydd gwael yn Ne Clwyd. Bydd methiant Plaid Cymru i gipio Aberconwy yn golygu y bydd yn gwbl sicr o ddal gafael ar ei sedd ar restr y gogledd. Gallai’r canlyniadau etholaethol roi siawns am ail sedd ar y rhestr i Blaid Cymru hefyd, i Carrie Harper.
Pleidlais Plaid Cymru yn anochel o gael ei gwasgu yn Ne Clwyd lle nad ydyn nhw erioed wedi gwneud yn arbennig o dda.
A Darren Millar wedi cadw Gorllewin Clwyd i’r Ceidwadwyr…
Jeremy Miles wedi cadw Castell Nedd i Lafur…
Rebecca Evans yn fuddugol yng Ngŵyr gyda mwyafrif o 4,795 i Lafur.
Angela Burns yn canmol ei holynynydd yng Ngorllewin Caerfyrddin a De Sir Benfro…
Well done @SKurtzCWSP You will be fantastic for Carmarthen West & South Pembrokeshire and you conducted a belter of a campaign. I am so happy ?x
— Angela Burns. TAKE THE VACCINE (@AngelaJBurns) May 7, 2021
Mae buddugoliaeth Rebecca Evans yn etholaeth Gwyr i Lafur yn un gwbl glir – cynnydd cry’ yn ei phleidlais a fawr o gynnydd i’r Ceidwadwyr.
Aeth 3,300 pleidlais UKIP y tro diwetha ddim at y Ceidwadwyr … ond falle yn ol at Lafur.
Yn gyffredinol, mae cryfder y blaid Lafur yn yr etholiad yma’n anhygoel, ac yn peri llawer iawn o gwestiynau i’w gwrthwynebwyr.
Mae cryfder y canlyniadau hyd yma’n fwy na chadarnhau ei safle fel prif blaid Cymru.
Yn fwy na hynny, bydd y Ceidwadwyr – yn sgîl eu haflwyddiant llwyr i dorri drwodd mewn cynifer o seddi targed a chanlyniadau agos sir Benfro – a Phlaid Cymru – sy’n segura’n ddifrifol iawn, iawn – yn gofyn i’w hunain beth ar wyneb y ddaear y gallan nhw ei wneud i herio Llafur.
Siŵr o fod maen nhw wedi bod yn gofyn y cwestiynau hyn i’w hunain ers sbel. Ond hyd yma, mae pa atebion bynnag y maen nhw wedi’u cael wedi bod yr atebion anghywir.
Dydi Llafur ddim yn mynd i’r unman.