Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Garmon Ceiro
Blog byw Etholiad Senedd 2021 gyda fi, Garmon Ceiro, yng nghwmni Gohebydd Senedd Golwg, Iolo Jones, colofnydd Golwg, Jason Morgan, gohebydd golwg360 Cadi Dafydd… gyda chyfraniadau gan y sylwebyddion gwleidyddol Dafydd Trystan a Huw Prys Jones, Dr Huw Lewis o Brifysgol Aberystwyth, a chyd-sefydlydd Golwg, Dylan Iorwerth.
Dilynwch flog byw dydd Sadwrn am y diweddaraf.
Y Ceidwadwyr yn cadw Preseli Penfro.
Fel yn Nelyn gwelwyd cynnydd (bach) ym mhleidlais Llafur a’r Ceidwadwyr yn Wrecsam, ond yn wahanol i etholiad San Steffan yn 2019 Llafur sy’n dal ei gafael ar y sedd, a hynny gyda mwyafrif digon tebyg i 2016.
Unwaith eto, y newid mawr ers 2016 yw’r cwymp o 10% ym mhleidlais UKIP. Fodd bynnag dyw canlyniadau Wrecsam a Delyn ddim yn awgrymu bod hwn yn llifo’n syth tuag at y Ceidwadwyr yn y Gogledd Ddwyrain fel roedd rhai yn rhengoedd y blaid wedi gobeithio.
O’r diwedd cyfres o ganlyniadau, ond y patrwm a sefydlwyd yn cael ei gadarnhau.
Wedi gobeithion mawr, canlyniadau siomedig i’r Ceidwadwyr o ran cipio seddi – er y bydd yn rhaid cadw golwg ar y rhestri i weld os yw’r gynnydd yn y bleidlais geidwadol yn eu cynothwyo.
Gall Llafur fod yn hapus iawn gyda phob un o’r canlyniadau hynny, ac o ran Plaid Cymru yng nghanol canlyniadau digon siomedig canlyniad Carrie Harper yn Wrecsam yn sefyll allan fel un o ser y dyfodol i’r Blaid honno.
Tybed a fydd hynny’n ddigon i’w hethol oddi ar y rhestr – bydd hynny yn frwydr ddifyr iawn
Canlyniadau Delyn a Wrecsam yn dda iawn i Lafur. Ac eithrio Dyffryn Clwyd a Bro Morgannwg, byddwn wedi disgwyl mai’r seddau hyn oedd dan fwyaf o fygythiad iddyn nhw, mwyafrif da ganddyn nhw yn Delyn hefyd.
Y llif canlyniadau yn dangos bod Llafur wedi dal eu tir yn rhyfeddol o dda – er gwaetha’ ambell her.
Dydi’r bleidlais UKIP ddim wedi mynd at y Ceidwadwyr yn y seddi Llafur.
Mae’r pleidiau bach yn gwneud yn wael iawn sy’n golygu nad ydyn nhw’n debyg o gael seddi rhanbarthol chwaith…
Llwyddiant y Ceidwadwyr i ddal Aberconwy ddim cymaint â hynny o syndod, er bod cyfanswm eu pleidlais i fyny’n sylweddol ar y tro diwethaf. Plaid Cymru a Llafur yn dal eu tir. Er mai dim ond 700 o bleidleisiau oedd ynddi’r tro diwethaf, rhaid cofio bod Plaid Cymru wedi rhedeg ymgyrch egnîol iawn yn 2016 a hynny gydas ymgeisydd cryf iawn hefyd.
Lesley Griffiths yn cadw ei lle yn Wrecsam.
Dau ganlyniad trybeilig o siomedig o’r bron i Blaid Cymru. Caerffili wedi dychwelyd Hefin David gyda mwyafrif uchaf erioed y blaid Lafur yno, a Janet Finch-Saunders yn cadw Aberconwy i’r Ceidwadwyr gyda’r nifer fwyaf erioed o bleidleisiau i un blaid unigol yn y sedd honno yn y Senedd. Teimlo fel bod Plaid Cymru wedi gor-gyffroi yn llawer rhy gyflym yn y sedd yn gynharach heddiw.
Ar y llaw arall, canlyniad da iawn iddi yn Wrecsam, ei chanlyniad gorau erioed o gryn ffordd. Serch hynny, dydi hi ddim yn gwneud fyny am siom y ddwy etholaeth arall.
O ran y Ceidwadwyr, mae canlyniadau Wrecsam a Delyn ill dwy’n reality check – mae llwyddiannau 2019 yn teimlo’n bell iawn yn ôl heddiw.
Llafur yn cadw Delyn gan godi ei phleidlais a maint ei mwyafrif ers 2016. Cododd pleidlais y Ceidwadwyr hefyd, ond ddim digon i herio Llafur.
Y newid mawr o’r canlyniad yn 2016 oedd y cwymp o 13% ym mhleidlais UKIP, ond yn wahanol i’r duedd mewn seddi yng ngogledd Lloegr dyw hyn heb weithio er budd y Ceidwadwyr.
Sian Gwenllian wedi cadw Arfon i Blaid Cymru…