Mae Heddlu De Cymru wedi arestio dyn 21 oed o Bontypridd mewn perthynas â sylwadau hiliol sarhaus a wnaethpwyd ar y safle rhwydweithio cymdeithasol Twitter.
Credir fod y sylwadau yn ymwneud â’r chwaraewr pêl-droed Fabrice Muamba sydd mewn cyflwr difrifol yn yr ysbyty ar ôl cael ei gymryd yn wael ddoe yn y gêm Cwpan FA rhwng Bolton a Spurs.
Mae’r dyn yn y ddalfa yng Ngorsaf Heddlu Abertawe.
Does dim mwy o fanylion ar gael ar hyn o bryd.
Arestio oherwydd sylwadau hiliol ar Twitter? Cywirdeb gwleidyddol yn mynd yn rhy bell YFMI.
Cosbwch weithrediadau hiliol go iawn yn lle gwastraffu amser ar gorachod sy’n gwneud sylwadau twp ar y rhyngrwyd.
A ydym yn byw mewn “ploice state”, lle mae pawb yn edrych dros eu hysgwyddau’n ofnus, ac yn byw mewn perygl parhaus o gael eu restio?
Wedi dweud hynny, er nad ydw i wedi gweld y sylwadau penodol gafodd ei wneud ar twitter yn yr achos yma, mae’n anodd iawn gen i gredu y byddai’n bosib gwneud unrhyw fath o sylwadau ‘tynnu coes’ ar sail hil dan y fath amgylchiadau (pêl-droediwr o fewn trwch blewyn i farw yng nghanol gêm, ac yn dal mewn sefyllfa ddifrifol). Felly, yn amodol ar yr hyn a ddwedwyd a’i fod yn euog, dwi’n bendant o’r farn y dylid cosbi’r person.
