Storm Eunice – y diweddaraf

Mae’r RSPCA yn cynghori perchnogion anifeiliaid i lunio cynlluniau rhag ofn iddyn nhw gael eu heffeithio gan lifogydd.

Maen nhw’n annog pobol i symud anifeiliaid i dir uwch os oes llifogydd, neu symud anifeiliaid anwes tu mewn, a’u rhoi nhw fyny grisiau os yn bosib.

“Rydyn ni’n annog perchnogion anifeiliaid anwes i gadw llygad ar y rhagolygon tywydd eu hardal nhw, a chynllunio ymlaen llaw i sicrhau diogelwch eu hanifeiliaid,” meddai llefarydd ar ran yr RSPCA, Amy Ockelford.

“Gwnewch yn siŵr bod gennych chi gynllun fel eich bod chi’n gwybod sut i gael eich teulu, ac eich anifeiliaid, allan o berygl pe bai llifogydd yn eich effeithio.

“Mae llifogydd yn codi’n sydyn felly byddwn ni’n annog pobol i weithredu’n gynnar, a pheidio byth roi eu hunain mewn perygl i helpu anifeiliaid ond, yn hytrach, galw ein tîm achub brys ar 0300 1234 999 am help.”

Cymru

Rhybudd ynghylch diogelwch anifeiliaid o ganlyniad i Storm Eunice

Mae’r RSPCA wedi cyhoeddi canllawiau yn sgil y tywydd

Yn ôl Western Power Distribution, gallai ardal Sanclêr yn Sir Gaerfyrddin fod heb drydan tan 1yp.

Maen nhw’n dweud bod peirianwyr yn ceisio datrys y sefyllfa ar hyn o bryd, ac wedi ymddiheuro am yr anghyfleustra.

Mae Cyfoeth Naturiol Cymru wedi cyhoeddi tudalen o rybuddion am lifogydd, gan rybuddio pobol i “fod yn barod”

⚠️ ? Rydym yn annog pobl sy’n byw ger, ag arfordir Cymru i fod yn barod ar gyfer llifogydd heddiw #StormEunice

Ewch i’n tudalennau rhybuddion llifogydd sy’n cael eu diweddaru bob 15 munud ? https://t.co/q9B9HVqf3A pic.twitter.com/o9o1XZaTCr

— Cyfoeth Naturiol Cymru | Natural Resources Wales (@NatResWales) February 18, 2022

Fe gewch chi’r diweddaraf am y ffyrdd drwy fynd i wefan Traffig Cymru, https://traffig.cymru/rhybuddion-traffig

⚠RHYBUDD⚠

Mae’r #A55 #PontBritannia ar gau i bob cerbyd ac eithrio ceir a faniau bychain oherwydd gwyntoedd cryfion.#StormEunice @cyngormon @CyngorGwynedd pic.twitter.com/E8ofu1YsNH

— Traffig Cymru Gogledd-Chanolbarth #DiogeluCymru (@TraffigCymruG) February 18, 2022

Mae ffordd B4308 rhwng Ffwrnais a Farriers yn Sir Gaerfyrddin ynghau ar ôl i goeden gwympo.

Mae Heddlu Dyfed-Powys yn rhybuddio teithwyr i gadw draw.

Os oeddech chi wedi bwriadu teithio ar fferi, mae pedair taith Irish Ferries rhwng Abergwaun a Rosslare wedi’u canslo.

Mae Stena Line hefyd wedi canslo sawl taith rhwng Caergybi a Dulyn.

Bore da! Canolbwynt #StormEunice i'r de-orllewin o Gymru ar hyn o bryd. Dyma'r hyrddiadau cryfaf hyd yn hyn ond y gwyntoedd yn parhau i gryfhau trwy'r bore cyn gostegu rhywfaint yn ystod y pnawn.

Cadwch mewn cysylltiad ac unrhyw gwestiynau, ? pic.twitter.com/r6B3tJhEGg

— S4C Tywydd (@S4Ctywydd) February 18, 2022

Mae ysgolion yn ardal Abertawe ynghau i ryw 36,000 o ddisgyblion, yn ôl arweinydd y Cyngor Sir.

Mae Rob Stewart wedi bod yn siarad â Sky News, gan ddweud bod gwersi’n parhau o bell.

Mae adeiladau megis llyfrgelloedd a chanolfannau cymuned ynghau yn sgil y tywydd.

Mae’n dweud bod y rhybudd mewn grym yn y ddinas o ganlyniad i gyfuniad o law trwm, lefel afonydd yn uchel, llanw uchel a pheryglon Storm Eunice.

“Os yw pobol yn dewis mentro allan heddiw, cadwch draw o linellau arfordirol, cadwch draw o’n hafonydd, peidiwch â rhoi eich hunain mewn perygl, arhoswch gartref os gallwch chi, a gweithiwch o adref os oes modd.

“Mae hon yn sefyllfa beryglus iawn.”

Mae Pont Hafren yr M48 ynghau i’r ddau gyfeiriad, ac mae teithwyr yn cael eu hannog i ddefnyddio’r ail bont – neu Bont Tywysog Cymru.