Morgannwg v Sussex: Y sir Gymreig yn ennill gêm gyffrous ar y Gnoll

WICED!

Dwy mewn dwy i Ibrahim. 

Kiran Carlson wedi’i fowlio.

Morgannwg 82 am bedair. Mae DLS wedi codi i 90, ac felly mae Morgannwg ar ei hôl hi bellach.

Pelen yr hatric i ddod…

WICED!

Tom Bevan wedi’i fowlio gan Dan Ibrahim.

Morgannwg 82 am dair yn y bymthegfed pelawd, ac mae’r targed DLS bellach wedi codi i 71, felly maen nhw’n iawn am y tro ond gallai hynny newid dipyn pe bai rhagor o wicedi’n cwympo cyn i’r glaw ddod.

WICED!

Eddie Byrom wedi’i ddal gan y wicedwr Charlie Tear oddi ar fowlio Tom Clark am 51.

Morgannwg 80 am ddwy o fewn 14 pelawd.

Hanner canred i Eddie Byrom i’w ychwanegu at ei ganred yn erbyn Swydd Nottingham.

Morgannwg 77 am un ar ôl deuddeg pelawd.

WICED!

Will Smale wedi’i ddal gan Oli Carter oddi ar fowlio Jack Campbell am ddeg. 

Daeth y bêl oddi ar ymyl y bat wrth i’r batiwr chwarae ergyd amddiffynnol.

Morgannwg 65 am un wrth i Tom Bevan ddod i’r llain.

Ar ôl 10 pelawd, Morgannwg 65 heb golli wiced.

Roedd Sussex yn 41 am un ar yr un adeg yn eu batiad nhw, felly Morgannwg yn sicr ar y droed flaen nawr bod y drefn DLS yn dod i rym hefyd.

Mae’n bygwth glaw o hyd, ond mae’n weddol sych am y tro er yn dywyll iawn.

Morgannwg wedi dechrau eu batiad yn dda, 23 heb golli wiced o fewn pum pelawd.

Mae’r glaw ar ei ffordd yma yng Nghastell-nedd, a’r seddi lletygarwch awyr agored yn wag bellach.

Bydd y drefn DLS, sy’n addasu’r sgôr o ganlyniad i’r tywydd, yn dod i rym ar ôl deg pelawd. Dim ond dwy belawd sydd wedi’u bowlio hyd yn hyn.

Mae batiad Morgannwg ar fin dechrau, gyda Will Smale ac Eddie Byrom yn agor y batio. Fe gofiwch chi eu bod nhw wedi adeiladu partneriaeth o 103 yn erbyn Swydd Nottingham yma ddydd Mercher.

Mae angen 201 arnyn nhw i ennill ac i gynnal eu record ddi-guro yn y gystadleuaeth. Ond mae’r awyr yn dywyll iawn erbyn hyn, ond mae’r glaw yn cadw draw am y tro.

WICED!

Lenham wedi’i ddal gan Ingram oddi ar fowlio McIlroy am 31.

Sussex 200 i gyd allan oddi ar 47.2 pelawd.

Perfformiad arbennig gan fowlwyr Morgannwg.

201 fydd eu nod.