Morgannwg v Sussex: Y sir Gymreig yn ennill gêm gyffrous ar y Gnoll

Mae Morgannwg yn ddi-guro hyd yma yn nghystadleuaeth 50 pelawd Cwpan Undydd Metro Bank

2 Awst 2024

Bydd tîm criced Morgannwg yn gobeithio parhau’n ddi-guro yng nghystadleuaeth 50 pelawd Cwpan Undydd Metro Bank, wrth groesawu Sussex i Gastell-nedd heddiw (dydd Gwener, Awst 2).

Tarodd Eddie Byrom 123 a Colin Ingram 103 mewn partneriaeth o 170 wrth guro Swydd Nottingham o wyth wiced ar y Gnoll ddydd Mercher (Gorffennaf 31).

Byddai buddugoliaeth eto heddiw yn golygu eu bod nhw bron iawn yn sicr o’u lle yn y rowndiau nesaf.

Carfan Morgannwg: K Carlson (capten), T Bevan, E Byrom, D Douthwaite, A Gorvin, A Horton, H Hurle, C Ingram, B Kellaway, J McIlroy, B Morris, S Northeast, B Root, A Tribe, W Smale, T van der Gugten

Carfan Sussex: J Campbell, O Carter, T Clark (capten), H Crocombe, B Foreman, T Haines, S Hunt, D Ibrahim, A Karvelas, A Lenham, Z Lion-Cachet, H Rogers, C Tear

Alun Rhys Chivers

Ar ôl 40 pelawd, Sussex 168 am saith.

Mae Bertie Foreman ac Archie Lenham wedi llwyddo i sefydlogi’r batiad rywfaint ar ôl y chwalfa. Maen nhw wedi ychwanegu 30 at y sgôr.

Alun Rhys Chivers

WICED!

Ibrahim wedi’i ddal gan Tom Bevan yn y slip. Wiced i Ben Kellaway â’i law chwith.

Sussex 130 am saith.

Archie Lenham wrth y llain – y drydedd genhedlaeth yn y teulu i gynrychioli’r sir, ar ôl ei dad Neil (1984-97) a’i dad-cu Les (1956-70).

Alun Rhys Chivers

Timm van der Gugten wedi gorffen ei ddeg pelawd.

Pump ohonyn nhw’n ddi-sgôr, tair wiced am 23.

Sussex 111 am chwech ar ôl 30 pelawd.

Alun Rhys Chivers

WICED!

Lion-Cachet allan, wedi’i ddal gan Smale oddi ar fowlio van der Gugten.

Siarcod Sussex mewn dyfroedd dyfnion. 110 am chwech o fewn 28 pelawd.

Alun Rhys Chivers

WICED!

Oli Carter wedi’i ddal gan Smale oddi ar fowlio Jamie McIlroy.

Sussex 110 am bump, ac maen nhw wedi colli pedair wiced am 15 rhediad.

Alun Rhys Chivers

Ffaith ddiddorol gan dîm sylwebu BBC Cymru.

Mae Zach Lion-Cachet, batiwr newydd Sussex, yn fab i Sarah Loosemore, chwaraewraig tenis i Gymru a Phrydain, sy’n hanu o Gaerdydd.

Alun Rhys Chivers

WICED!

Camergyd gan Charlie Tear, a daliad syml i Timm van der Gugten oddi ar fowlio Douthwaite.

Sussex 101 am bedair.

Hanner y pelawdau wedi’u bowlio.

Alun Rhys Chivers

WICED!

Rogers allan am 35, wedi’i daro ar ei goes o flaen y wiced gan Timm van der Gugten.

Sussex 97 am dair o fewn 24 pelawd.

Alun Rhys Chivers

WICED!

Tom Haines allan, wedi’i ddal gan y wicedwr Smale oddi ar fowlio Dan Douthwaite.

Sussex 95 am ddwy.

Alun Rhys Chivers

Ar ôl 20 pelawd, Sussex 86 am un.

Mae Tom Haines a Henry Rogers bellach wedi adeiladu partneriaeth o hanner cant.

Er mwyn gadael sylw, mae angen mewngofnodi neu ymuno â’r safle.