Morgannwg v Sussex: Y sir Gymreig yn ennill gêm gyffrous ar y Gnoll

Bydd tîm criced Morgannwg yn gobeithio parhau’n ddi-guro yng nghystadleuaeth 50 pelawd Cwpan Undydd Metro Bank, wrth groesawu Sussex i Gastell-nedd heddiw (dydd Gwener, Awst 2).

Tarodd Eddie Byrom 123 a Colin Ingram 103 mewn partneriaeth o 170 wrth guro Swydd Nottingham o wyth wiced ar y Gnoll ddydd Mercher (Gorffennaf 31).

Byddai buddugoliaeth eto heddiw yn golygu eu bod nhw bron iawn yn sicr o’u lle yn y rowndiau nesaf.

Carfan Morgannwg: K Carlson (capten), T Bevan, E Byrom, D Douthwaite, A Gorvin, A Horton, H Hurle, C Ingram, B Kellaway, J McIlroy, B Morris, S Northeast, B Root, A Tribe, W Smale, T van der Gugten

Carfan Sussex: J Campbell, O Carter, T Clark (capten), H Crocombe, B Foreman, T Haines, S Hunt, D Ibrahim, A Karvelas, A Lenham, Z Lion-Cachet, H Rogers, C Tear

14:50 ↑

Alun Rhys Chivers

Mae’n bygwth glaw o hyd, ond mae’n weddol sych am y tro er yn dywyll iawn.

Morgannwg wedi dechrau eu batiad yn dda, 23 heb golli wiced o fewn pum pelawd.

Rhannu

14:41 ↑

Alun Rhys Chivers

Mae’r glaw ar ei ffordd yma yng Nghastell-nedd, a’r seddi lletygarwch awyr agored yn wag bellach.

Bydd y drefn DLS, sy’n addasu’r sgôr o ganlyniad i’r tywydd, yn dod i rym ar ôl deg pelawd. Dim ond dwy belawd sydd wedi’u bowlio hyd yn hyn.

Rhannu

14:34 ↑

Alun Rhys Chivers

Mae batiad Morgannwg ar fin dechrau, gyda Will Smale ac Eddie Byrom yn agor y batio. Fe gofiwch chi eu bod nhw wedi adeiladu partneriaeth o 103 yn erbyn Swydd Nottingham yma ddydd Mercher.

Mae angen 201 arnyn nhw i ennill ac i gynnal eu record ddi-guro yn y gystadleuaeth. Ond mae’r awyr yn dywyll iawn erbyn hyn, ond mae’r glaw yn cadw draw am y tro.

Rhannu

14:07 ↑

Alun Rhys Chivers

WICED!

Lenham wedi’i ddal gan Ingram oddi ar fowlio McIlroy am 31.

Sussex 200 i gyd allan oddi ar 47.2 pelawd.

Perfformiad arbennig gan fowlwyr Morgannwg.

201 fydd eu nod.

Rhannu

13:58 ↑

Alun Rhys Chivers

WICED!