Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Alun Rhys Chivers
Bydd tîm criced Morgannwg yn codi i’r pedwar uchaf yn eu grŵp yng nghystadleuaeth ugain pelawd y Vitality Blast pe baen nhw’n curo Gwlad yr Haf yn Taunton heddiw (dydd Sul, Mehefin 16).
Maen nhw’n teithio yno ar ôl iddyn nhw fethu â chwarae yn erbyn Hampshire yng Nghaerdydd nos Iau (Mehefin 13) oherwydd y glaw.
Mae’r tîm cartref heddiw ar frig eu grŵp ar hyn o bryd.
Daw’r bowliwr cyflym Harry Podmore yn ôl i mewn i garfan Morgannwg yn lle James Harris, ac mae’r troellwr coes Mason Crane yn ôl ar ôl gorfod colli’r gêm yn erbyn Hampshire gan ei fod ar fenthyg ganddyn nhw.
‘Tîm mewn hwyliau da’
“Fel grŵp, rydyn ni’n edrych ymlaen at y daith i Taunton ddydd Sul, ac at gyfle i herio’r tîm sydd ar frig y tabl,” meddai Grant Bradburn, prif hyfforddwr Morgannwg.
“Tra ei bod yn rhwystredig gwylio’r glaw yn cwympo ddydd Iau… mae’r tîm mewn lle da o ran perfformiadau a hwyliau.
“Rydyn ni’n edrych ymlaen at nifer sylweddol o’n cefnogwyr yn teithio brynhawn dydd Sul i Taunton i wylio’r gêm am 3 o’r gloch.”
Carfan Gwlad yr Haf: W Smeed, T Banton, T Kohler-Cadmore, T Abell, S Dickson, J Rew, L Gregory, B Green, K Aldridge, C Overton, R van der Merwe, J Davey, J Ball, R Meredith
Carfan Morgannwg: K Carlson (capten), E Byrom, S Northeast, C Ingram, M Labuschagne, C Cooke, D Douthwaite, T Bevan, W Smale, T van der Gugten, J McIlroy, B Kellaway, A Gorvin, H Podmore, M Crane
WICED!
Marnus Labuschagne â’i goes o flaen y wiced i Lewis Gregory, sydd angen tair wiced arall i gyrraedd brig rhestr bowlwyr gorau Gwlad yr Haf o ran wicedi mewn gemau ugain pelawd.
Morgannwg 38 am dair ar ôl 6.2 pelawd, wrth i Colin Ingram ddod i’r llain.
DIWEDD Y CYFNOD CLATSIO
O gymharu â 51 am un i Wlad yr Haf ar yr un adeg, mae Morgannwg wedi cyrraedd 37 am ddwy ar ôl chwe phelawd.
Sam Northeast a Marnus Labuschagne sydd wrth y llain i’r sir Gymreig, ac mae ganddyn nhw waith i’w wneud.
WICED!
Byrom wedi’i ddal gan Tom Banton oddi ar fowlio Riley Meredith. Pelawd ddi-sgôr a wiced.
Morgannwg wyth am ddwy ar ôl dwy belawd, ac mewn rhyw faint o drafferth eisoes.
WICED!
Kiran Carlson wedi clatsio o’r dechrau, ond wedi canfod dwylo diogel Will Smeed yn safle’r trydydd dyn. Wiced i Craig Overton.
Morgannwg 8 am un ar ôl y belawd gyntaf, a Sam Northeast wrth y llain.
Kiran Carlson ac Eddie Byrom yn agor y batio i Forgannwg.
Craig Overton yn bowlio.
194 yw’r nod.
DIWEDD Y BATIAD
Riley Meredith yn taro chwech oddi ar ei unig belen.
Gwlad yr Haf 193 am wyth ar ddiwedd eu hugain pelawd. Sgôr oedd yn edrych yn debygol ar ddechrau’r batiad, ond aeth yn llai tebygol rywle yn y canol cyn yr adferiad tua’r diwedd.
194 fydd y nod i Forgannwg, felly. Amdani!
WICED!
Craig Overton wedi’i redeg allan. Camddealltwriaeth rhwng y batwyr yn golygu bod y batiwr hanner ffordd i lawr y llain.
Gwlad yr Haf 182 am wyth ar ôl 19.3 pelawd.
Partneriaeth o hanner cant oddi ar 30 o belenni rhwng Craig Overton a Roelof van der Merwe yn sicrhau sgôr parchus i Wlad yr Haf nawr, doed a ddel. Dyma’r bartneriaeth wythfed wiced orau erioed i’r sir yn erbyn Morgannwg.
175 am saith ar ôl 19 pelawd.
WICED!
Dyna’r wiced fawr.
Smeed wedi’i fowlio gan Douthwaite am 86. Ei bedwaredd yn y batiad.
Gwlad yr Haf 123 am saith ar ôl 13.5 pelawd, a Douthwaite yn gorffen gyda phedair wiced am 37 yn ei bedair pelawd.
WICED!
Pedwaredd wiced mewn chwe phelen i Forgannwg.
Ben Green wedi’i ddal oddi ar ei fowlio’i hun gan y troellwr coes Mason Crane.
Mae Gwlad yr Haf dan bwysau’n fwyaf sydyn. 115 am chwech ar ôl 12.2 pelawd.