Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Alun Rhys Chivers
Gerddi Sophia, Caerdydd
Mae tîm criced Morgannwg yn croesawu Sussex ar gyfer gêm yn ail adran y Bencampwriaeth heddiw (dydd Gwener, Mai 10).
Dyma’r eildro i Forgannwg chwarae yng Ngerddi Sophia y tymor hwn, wrth iddyn nhw geisio’u buddugoliaeth gyntaf yn 2024.
Fe wnaeth y sir Gymreig frwydro’n galed i achub yr ornest yn erbyn Swydd Efrog yn Headingley, gan orffen yn gyfartal ar ôl bod ymhell ar ei hôl hi ar ddiwedd y batiad cyntaf.
Cipiodd Mason Crane, y troellwr coes, bum wiced mewn batiad am y tro cyntaf i’w sir newydd, wrth i Joe Root a Finlay Bean daro canred yr un i’r Saeson.
Tarodd Colin Ingram a Sam Northeast ganred yr un i Forgannwg yn yr ail fatiad.
Northeast yw prif sgoriwr y Bencampwriaeth i unrhyw sir erbyn hyn, ac mae’n anelu am 1,000 o rediadau cyn diwedd mis Mai.
Mae Sussex ar frig y tabl, tra bod Morgannwg yn chweched.
Yr wythnos ddiwethaf, fe wnaeth y prif hyfforddwr Grant Bradburn ganmol cymeriad Morgannwg, gan ddweud eu bod nhw’n awyddus i berfformio’n dda eto gerbron eu cefnogwyr eu hunain yng Nghaerdydd.
Ychwanegodd y byddai’r gêm yn erbyn Sussex yn arwydd da o le maen nhw arni y tymor hwn.
Gemau’r gorffennol
Y llynedd, tarodd Sam Northeast ganred, gan adael Sussex yn cwrso 359 i ennill oddi ar 113 o belawdau.
Brwydrodd y Saeson yn galed cyn i’r troellwr coes Mitchell Swepson ganfod cymorth yn y llain.
Ond llwyddodd Oli Carter i amddiffyn yn gadarn, gan wynebu 21.2 pelawd gyda Henry Shipley i sicrhau gêm gyfartal.
Yn 2022, roedd Morgannwg yn fuddugol o bum wiced, wrth i Eddie Byrom a Colin Ingram adeiladu partneriaeth ail wiced o 328 mewn 90 pelawd i sicrhau eu buddugoliaeth gyntaf dros Sussex yng Nghaerdydd ers 1999.
Bryd hynny, cipiodd y ddau Gymro Simon Jones a Robert Croft bum wiced yr un, cyn i Steve James daro 153 wrth i Forgannwg gwrso 336 ar y diwrnod olaf ac ennill o chwe wiced.
Carfan Morgannwg: S Northeast (capten), K Carlson, T Bevan, E Byrom, C Cooke, M Crane, A Gorvin, Mir Hamza, J Harris, C Ingram, J McIlroy, B Root, Zain ul Hassan
Carfan Sussex: J Simpson (capten), T Alsop, J Carson, O Carter, T Clark, J Coles, H Crocombe, T Haines, F Hudson-Prentice, S Hunt, A Karvelas, D Lamb, C Pujara, J Seales
Dwy wiced gynnar i Sussex ac i Jayden Seales.
Billy Root wedi’i fowlio, a Mason Crane wedi’i ddal gan y wicedwr John Simpson.
Morgannwg 36 am dair.
Diwedd y diwrnod cyntaf.
Morgannwg 21 am un. Eddie Byrom allan. Coed o flaen y wiced. Wiced i Ari Karvelas.
Sussex 278 i gyd allan.
Seales allan am 17, wedi’i fowlio gan Gorvin i ddod â phartneriaeth o 43 gydag Ari Karvelas (39hfa) i ben.
Nawfed wiced i Forgannwg.
Carson allan am 39, wedi’i ddal yn y slip gan Colin Ingram oddi ar fowlio’r troellwr coes Mason Crane am 39.
Sussex 235 am naw.
Mae’r seibiant wedi gwneud lles i Forgannwg.
Mae Sussex wedi colli’u hwythfed wiced ar 206. Pedwaredd wiced i James Harris, sydd wedi bowlio Hudson-Prentice.
Amser te yng Nghaerdydd.
Sussex 186 am saith.
Hudson-Prentice 38hfa, Carson 14hfa.
Diweddglo rhwystredig i’r sesiwn i Forgannwg, gyda phartneriaeth o 46 hyd yn hyn rhwng y ddau sydd wrth y llain.
Hanner awr ers y wiced ddiwethaf erbyn hyn. Morgannwg wedi tynnu’u troed oddi ar y sbardun ers i Mir Hamza gael ei dynnu allan o’r ymosod.
Sussex 170 am saith – partneriaeth o 30 rhwng Hudson-Prentice a Carson.
Wicedi fel bysus, braidd!
Danny Lamb wedi’i ddal yn y slip gan Andy Gorvin heb sgorio. Trydedd wiced i James Harris.
Sussex 140 am saith.
Mae Mir Hamza ar dân!
Pedwaredd wiced iddo fe. Sussex wedi colli’u chweched wiced.
James Coles allan, coes o flaen y wiced am 19.
Sussex 136 am chwech.
Trydedd wiced i Mir Hamza, a phumed wiced i Forgannwg.
John Simpson allan, coes o flaen y wiced heb sgorio.
Sussex 133 am bump.