Nid fi yw hwn
Er mwyn gadael sylw, mae angen mewngofnodi neu ymuno â’r safle.
gan
Alun Rhys Chivers
Gerddi Sophia, Caerdydd
Mae tîm criced Morgannwg yn croesawu Sussex ar gyfer gêm yn ail adran y Bencampwriaeth heddiw (dydd Gwener, Mai 10).
Dyma’r eildro i Forgannwg chwarae yng Ngerddi Sophia y tymor hwn, wrth iddyn nhw geisio’u buddugoliaeth gyntaf yn 2024.
Fe wnaeth y sir Gymreig frwydro’n galed i achub yr ornest yn erbyn Swydd Efrog yn Headingley, gan orffen yn gyfartal ar ôl bod ymhell ar ei hôl hi ar ddiwedd y batiad cyntaf.
Cipiodd Mason Crane, y troellwr coes, bum wiced mewn batiad am y tro cyntaf i’w sir newydd, wrth i Joe Root a Finlay Bean daro canred yr un i’r Saeson.
Tarodd Colin Ingram a Sam Northeast ganred yr un i Forgannwg yn yr ail fatiad.
Northeast yw prif sgoriwr y Bencampwriaeth i unrhyw sir erbyn hyn, ac mae’n anelu am 1,000 o rediadau cyn diwedd mis Mai.
Mae Sussex ar frig y tabl, tra bod Morgannwg yn chweched.
Yr wythnos ddiwethaf, fe wnaeth y prif hyfforddwr Grant Bradburn ganmol cymeriad Morgannwg, gan ddweud eu bod nhw’n awyddus i berfformio’n dda eto gerbron eu cefnogwyr eu hunain yng Nghaerdydd.
Ychwanegodd y byddai’r gêm yn erbyn Sussex yn arwydd da o le maen nhw arni y tymor hwn.
Gemau’r gorffennol
Y llynedd, tarodd Sam Northeast ganred, gan adael Sussex yn cwrso 359 i ennill oddi ar 113 o belawdau.
Brwydrodd y Saeson yn galed cyn i’r troellwr coes Mitchell Swepson ganfod cymorth yn y llain.
Ond llwyddodd Oli Carter i amddiffyn yn gadarn, gan wynebu 21.2 pelawd gyda Henry Shipley i sicrhau gêm gyfartal.
Yn 2022, roedd Morgannwg yn fuddugol o bum wiced, wrth i Eddie Byrom a Colin Ingram adeiladu partneriaeth ail wiced o 328 mewn 90 pelawd i sicrhau eu buddugoliaeth gyntaf dros Sussex yng Nghaerdydd ers 1999.
Bryd hynny, cipiodd y ddau Gymro Simon Jones a Robert Croft bum wiced yr un, cyn i Steve James daro 153 wrth i Forgannwg gwrso 336 ar y diwrnod olaf ac ennill o chwe wiced.
Carfan Morgannwg: S Northeast (capten), K Carlson, T Bevan, E Byrom, C Cooke, M Crane, A Gorvin, Mir Hamza, J Harris, C Ingram, J McIlroy, B Root, Zain ul Hassan
Carfan Sussex: J Simpson (capten), T Alsop, J Carson, O Carter, T Clark, J Coles, H Crocombe, T Haines, F Hudson-Prentice, S Hunt, A Karvelas, D Lamb, C Pujara, J Seales
Wicedi fel bysus, braidd!
Danny Lamb wedi’i ddal yn y slip gan Andy Gorvin heb sgorio. Trydedd wiced i James Harris.
Sussex 140 am saith.
Mae Mir Hamza ar dân!
Pedwaredd wiced iddo fe. Sussex wedi colli’u chweched wiced.
James Coles allan, coes o flaen y wiced am 19.
Sussex 136 am chwech.
Trydedd wiced i Mir Hamza, a phumed wiced i Forgannwg.
John Simpson allan, coes o flaen y wiced heb sgorio.
Sussex 133 am bump.
Daeth yr ystadegyn bach hwnnw wrth i Pujara gael ei ddal gan y wicedwr Cooke oddi ar fowlio Mir Hamza am 41.
Sussex 131 am bedair.
Wrth i Cheteshwar Pujara glosio at ei hanner canred, mae’n ddiddorol nodi mai yn erbyn Morgannwg mae ei gyfartaledd isaf o blith yr holl siroedd yn y Bencampwriaeth.
WICED
Alsop wedi’i fowlio gan Harris am 29.
Sussex 96 am dair.
CINIO
Sussex 94 am ddwy.
Pujara 24hfa
Alsop 27hfa
Sylwadau diddorol gan Mark Rhydderch-Roberts, cadeirydd Morgannwg, yn The Cricketer.
Mae’n cydnabod fod Morgannwg wedi “tanberfformio ers dau ddegawd”, ac yn sôn nad yw’r sir wedi cynhyrchu cricedwyr i Loegr a bod “angen i hyn newid”.
Mae’n awgrymu mai rhyngwladoli yw’r nod bellach, gyda Grant Bradburn o Seland Newydd yn Brif Hyfforddwr.
“Rydym yn bwriadu datblygu diwylliant rhyngwladol mwy allblyg ar y cae ac oddi arno,” meddai. “Ac mae Grant yn rhan annatod o’r broses honno.”
Dyna ni felly – newyddion drwg i unrhyw un sydd wedi bod yn gobeithio gweld mwy o Gymry yn y tîm, er ei fod e’n cyfeirio at nifer o Gymry sy’n dechrau torri drwodd o’r Academi. Ond prin fydd eu cyfleoedd nhw eto o gofio bod Hugh Morris bellach yn sgowt ac yn edrych tua’r ysgolion bonedd yn Lloegr.
Ail wiced i Forgannwg.
Tom Clark allan, wedi’i ddal gan y wicedwr Chris Cooke oddi ar fowlio James Harris am 18.
Sussex 46 am ddwy.
Wiced gynta’r bore i Forgannwg a Mir Hamza.
Tom Haines â’i goes o flaen y wiced.
Sussex 29 am un.