Mae dyn yn yr Unol Daleithiau wedi ei gyhuddo o gamymddwyn ar ôl iddo gyfarth at un o gŵn yr heddlu.
Dywedodd heddlu Ohio fod Ryan James Stephens, 25 oed, wedi ei gyhuddo o bryfocio’r ci yn Mason, Cincinnati.
Dywedodd yr heddwas Bradley Walker ei fod wedi clywed ei gi yn cyfarth yn wyllt y tu mewn i’w gar heddlu wrth iddo ymchwilio i ddamwain car ger tafarn bore ddydd Sadwrn.
Roedd Ryan James Stephens yn cyfarth a hisian at yr anifail, meddai Bradley Walker.
“Y ci ddechreuodd pethau,” meddai Ryan James Stephens, oedd wedi meddwi, meddai’r heddwas.
Fe fydd y dyn yn ymddangos o flaen llys bwrdeistrefol ar 21 Ebrill.