Etholiad Cyffredinol 2024 – y pleidleisio

Mae Rhun ap Iorwerth wedi bwrw ei bleidlais erbyn hyn. Roedd arweinydd Plaid Cymru yn Neuadd yr Henoed, Llangristiolus. Dyma oedd ganddo i’w ddweud:

✅I’ve just voted for @llinos_medi and Plaid Cymru here on Ynys Môn.

Across Wales today, you have the opportunity to vote for Plaid Cymru candidates that will put your community first in Westminster.

Cofiwch fynd â cherdyn adnabod a phleidleisiwch dros @Plaid_Cymru heddiw🏴󠁧󠁢󠁷󠁬󠁳󠁿🏴󠁧󠁢󠁷󠁬󠁳󠁿🏴󠁧󠁢󠁷󠁬󠁳󠁿 pic.twitter.com/28zxwxFAXC

— Rhun ap Iorwerth (@RhunapIorwerth) July 4, 2024

Neges bwysig fan hyn gan Larry’r gath, sy’n byw yn 10 Downing Street. Cofiwch amdano fe, druan, wrth i chi fwrw eich pleidlais…

I don't get to vote in this election, but I do have to live with whoever you elect.
No pressure. #GeneralElection24

— Larry the Cat (@Number10cat) July 4, 2024

Mae Andrew RT Davies, arweinydd y Ceidwadwyr Cymreig, wedi dymuno pob lwc i ymgeiswyr y blaid heddiw.

“Bu’n bleser cael mynd allan a chwrdd â phobol ledled Cymru drwy gydol yr ymgyrch hon, ac rydyn ni bellach yn anelu am adref,” meddai.

“Pob lwc i bawb.”

Mae Neil McEvoy, ymgeisydd ac arweinydd Propel, yn dweud nad yw taflenni ymgyrchu wedi cael eu dosbarthu’n gywir yn etholaeth Gorllewin Caerdydd.

Mae’r Post Brenhinol wedi methu dosbarthu’r ffurflenni yn Y Tyllgoed, Canton, Caerau, Trelái, Pentre’ Baen a Phont-y-clun, meddai.

“Dw i ddim yn gweld pam ddylwn i, neu Propel, orfod talu’r arian i brintio’r taflenni iddyn nhw beidio cael eu hanfon.”

Cymru

‘Taflenni ymgyrchu heb eu dosbarthu’n gywir yng Nghaerdydd’

Rhys Owen

Mae’r ymgeisydd Propel Neil McEvoy yn dweud ei fod wedi gwneud “cwyn ffurfiol” i’r Post Brenhinol ynglŷn â’r mater

“Dim ond twpsyn llwyr fyddai’n proffwydo canlyniadau etholiad ar y diwrnod, gan wybod y bydd y canlyniadau wedi dod cyn i lawer o bobol ddarllen y darogan. Felly, i ffwrdd â ni…”

Colofn Dylan Iorwerth

Dylan a’i broffwydoliaeth

Dylan Iorwerth

Mae pawb ond Llafur yn debyg o fod y tu ôl i Reform UK yn llawer o’r Cymoedd

Bydd Dylan yn un o’n criw o ddadansoddwyr yma ar golwg360 wrth i’r darlun ddechrau dod yn gliriach.

Tra ein bod ni’n aros i ddod â llun i chi o etholaeth Rhun ap Iorwerth, lle mae Llinos Medi yn sefyll, dyma ddadansoddiad ein gohebydd gwleidyddol o’r ynys (tu ôl y wal dalu).

Cyfoes

Etholiad ’24: Ynys Môn

Rhys Owen

Un o seddi mwyaf diddorol Cymru, lle mae disgwyl ras agos iawn rhwng Plaid Cymru, Llafur a’r Ceidwadwyr

Dyma oedd gan arweinydd Plaid Cymru i’w ddweud fore heddiw:

🏴󠁧󠁢󠁷󠁬󠁳󠁿Bore da. Mae’ch pleidlais heddiw’n bleidlais i Gymru.

Mae’r Toris allan. Fe ddaliwn Llafur i gyfrif.

🗳️ Pleidleisiwch dros degwch, dros uchelgais a dros Gymru.

✅ Pleidleisiwch Plaid Cymru pic.twitter.com/4SKSdaFu3y

— Rhun ap Iorwerth (@RhunapIorwerth) July 4, 2024

Mae Vaughan Gething, Prif Weinidog Cymru ac arweinydd Llafur Cymru, wedi bod allan yng Nghaerdydd gyda’i dîm yn gynnar fore heddiw (Llun: X Vaughan Gething).

Mae disgwyl i Rhun ap Iorwerth fwrw ei bleidlais ym Môn unrhyw funud nawr.

Bore da!

Heddiw (dydd Iau, Gorffennaf 4) yw’r diwrnod mawr.

Mae gorsafoedd pleidleisio ledled y wlad bellach ar agor, a byddan nhw’n cau am 10:00 heno. Yn fuan ar ôl hynny, bydd y pleidleisiau’n dechrau cael eu cyfri, ac fe gawn ni wybod yn y man pwy sydd wedi ennill.

Arhoswch gyda ni!

Wrth i’r ymgyrchu ddod i ben, dyma ddadansoddi rywfaint ar ymgyrchoedd y pleidiau dros y chwe wythnos ddiwethaf.

Y Blaid Lafur

Mae Keir Starmer wedi gwneud ambell daith i Gymru, yn aml yn cael ei weld efo Vaughan Gething, hyd yn oed ar ôl iddo golli pleidlais diffyg hyder yn y Senedd.

Gan Lafur, mae’r neges wedi bod yn glir – pleidleisiwch dros Lafur a gewch chi fwy o gydweithio, ac o ganlyniad i hynny, well bargen i Gymru….

Er bod maniffesto Llafur yn un mawr, does yna ddim llawer o addewidion cryf o ran polisïau cadarn. Felly pe baen nhw’n fuddugol, bydd rhaid i bethau ddod yn gliriach ar ôl i’r cyllid brys gael ei gyhoeddi cyn yr haf.

Y Ceidwadwyr

Efo’r Ceidwadwyr, mae’n teimlo fel eu bod nhw wedi gorfod oedi a meddwl am syniadau ffres i drio newid meddylfryd.

Cofiwch yn ôl i gychwyn yr ymgyrch pan oedd Rishi Sunak yn pwysleisio’r clo triphlyg ar bensiynau i ddenu pleidlais yr henoed. Yna, cafwyd polisi ar wasanaeth cenedlaethol, rhywbeth gafodd ei gyfathrebu yn wael iawn gyda nifer yn ei ddehongli fel ryw fath o call to arms.

Erbyn hyn, mae’n teimlo fel pe bai’r bws Ceidwadol wedi dod i stop ar y llinell derfyn, gyda’r Gweinidog Mel Stride yn cyfaddef bod posibilrwydd mawr o gael mwyafrif enfawr i’r Blaid Lafur.

Plaid Cymru

Ar gychwyn yr ymgyrch, roedd yn ymddangos fel pe bai’r arweinydd Rhun ap Iorwerth yn cyfaddef y bydd yr etholiad yn un “heriol” i’r Blaid, yn enwedig gan ystyried bod newid y ffiniau yn gostwng nifer y seddi o 40 i 32 yng Nghymru.

Ond gyda sŵn mawr am HS2 a chyfleoedd i Rhun ap Iorwerth fynd ar ddadleuon cenedlaethol, mae’n edrych fel pe bai’r Blaid mewn cyflwr gwell na’r disgwyl yn mynd i mewn i’r etholiad fory.

Ennill yn Ynys Môn a Chaerfyrddin, a bydd y gwynt yn hwyliau Plaid Cymru wrth edrych tuag at etholiad y Senedd yn 2026.

Darllenwch y darn safbwynt cyfan, gan gynnwys ymdrin ag ymgyrchoedd Reform a’r Democratiaid Rhyddfrydol, yma:

Gwleidyddiaeth

❝ Golwg Rhys ar Wleidyddiaeth: Ymgyrchu yn dod i ben, ond a fydd newid i Gymru?  

Rhys Owen

“Mae cwestiynau amlwg dal i fod am sut y bydd y llywodraeth nesaf yn mynd i’r afael â’r heriau sy’n wynebu’r Deyrnas Unedig”