Mae rhybuddion coch yn eu lle ar draws y de heddiw (dydd Sul, Chwefror 16), wrth i Storm Dennis achosi glaw trwm a llifogydd sy’n peryglu bywydau.
Mae rhybudd fod afonydd Taf yn gorlifo yn nhref Pontypridd, ac afon Nedd yn Aberdulais yn gorlifo, wrth i 105mm o law gwympo yn nhref Tredegar dros gyfnod o 24 awr hyd at 7 o’r gloch fore heddiw.
Mae’r rhybuddion coch yn eu lle yn ardaloedd Blaenau Gwent, Caerdydd, Caerffili, Castell-nedd Port Talbot, Sir Fynwy, Merthyr Tudful, Pen-y-bont ar Ogwr, Rhondda Cynon Taf a Thorfaen tan 11 o’r gloch fore heddiw.
Yn y gogledd, fe wnaeth y gwyntoedd godi i 91 milltir yr awr yn Aberdaron am 6 o’r gloch neithiwr (nos Sadwrn, Chwefror 15).
⚠️⚠️Mae rhybudd llifogydd difrifol wedi ei gyhoeddi ar gyfer Afon Nedd, Aberdulais ⚠️⚠️
👩🚒 👮♀️ Peidiwch â’ch rhoi eich hun mewn perygl, dilynwch gyngor y gwasanaethau brys neu eich awdurdod lleol.— Cyfoeth Naturiol Cymru | Natural Resources Wales (@NatResWales) February 16, 2020
Rhybuddion eraill
Mae rhybudd oren am law difrifol i rannau helaeth o Gymru hefyd, wrth i wasanaethau trenau gael eu canslo oherwydd glaw difrifol ar y cledrau.
Bydd y rhybudd hwnnw yn ei le tan 3 o’r gloch heddiw.
Mae trigolion Ynysgynwraidd yn Sir Fynwy wedi cael cyngor i adael eu cartrefi a mynd am ganolfan hamdden Y Fenni.
Mae rhannau helaeth o ardal Rhondda Cynon Taf wedi’u heffeithio, ac mae canolfannau brys wedi’u sefydlu ym Merthyr Tudful ac Aberfan.
Bu’n rhaid symud pobol o’u cartrefi hefyd yn ardal Tonna ger Castell-nedd.
Mae rhybudd melyn i Gymru gyfan tan ganol dydd, ond mae’n para tan ganol dydd yfory (dydd Llun, Chwefror 17) i ardaloedd Ceredigion, Conwy, Gwynedd, Powys ac Ynys Môn.
Amodau peryglus dros Gymru heddiw. Mae’n gwasanaethau brys yn gweithio’n galed i sicrhau diogelwch pawb dros y penwythnos – dilynwch cyngor y gwasanaethau brys. #WeatherAware #Beweatheraware pic.twitter.com/HlHeG1Ixf4
— Mark Drakeford (@fmwales) February 16, 2020
Llifogydd wedi creu difrod ofnadwy ym Mhontypridd | Sion St, Pontypridd – dreadful situation for those living near William Edwards’s old bridge. pic.twitter.com/Rk0mWznvgf
— Rhuanedd Richards (@Rhuanedd) February 16, 2020
Llif yr afon Taf #dennisstorm #@PoblCaerdydd pic.twitter.com/AIvk8QfcJ7
— Gwyn Williams (@Gwyn_Dr) February 16, 2020