Beiciwr yn cael ei daro gan fws

Mae beiciwr 29 oed yn derbyn triniaeth ysbyty am anafiadau difrifol ar ôl iddo gael ei daro gan fws ar Ffordd Crwys, Caerdydd, brynhawn ddoe.

Mae Heddlu De Cymru’n awyddus i siarad ag unrhyw dystion i’r gwrthdrawiad, unrhyw un a arhosodd i helpu, neu a welodd y bws yn cael ei yrru ychydig ynghynt. Maen nhw’n apelio ar i unrhyw un â gwybodaeth gysylltu â nhw ar 101 neu 0800 555 111.

Fe fu’r ffordd ar gau am ddwy awr tra oedd yr heddlu’n gwneud eu hymchwiliadau cychwynnol i’r digwyddiad.