Coronafeirws: Iechyd Cyhoeddus Cymru’n cyhoeddi 24 yn rhagor o farwolaethau (dydd Sul, Chwefror 28)

Mae Iechyd Cyhoeddus Cymru wedi cyhoeddi 28 yn rhagor o farwolaethau Covid-19 heddiw (dydd Sul, Chwefror 28).

Mae’n golygu eu bod nhw wedi cyhoeddi cyfanswm o 5,340 o farwolaethau yn y wlad ers dechrau’r ymlediad.

Maen nhw hefyd wedi cyhoeddi 247 yn rhagor o achosion, sy’n mynd â’r cyfanswm hwnnw i 203,625.

Ond dydy’r ffigurau ddim yn debygol o fod yn fanwl gywir yn sgil y ffordd y caiff achosion a marwolaethau eu cofnodi a’u hadrodd.

Susan Smith ar goll rhwng Llanismel a Glanyfferi

Mae Heddlu Dyfed-Powys yn apelio am wybodaeth am ddynes sydd ar goll.

Cafodd Susan Smith ei gweld ddiwethaf am 1.30 brynhawn ddoe (dydd Sadwrn, Chwefror 27) yn cerdded ger pentref gwyliau Bae Caerfyrddin yng Nghydweli.

Mae hi’n arfer cerdded ar hyd y traeth rhwng Llanismel a Glanyfferi.

Mae hi’n 5’2″, o gorffolaeth fach ac mae ganddi wallt golau at ei hysgwyddau.

Pan gafodd ei gweld ddiwethaf, mae lle i gredu ei bod hi’n gwisgo jîns du, siaced wlannog ddu ac esgidiau cerdded glas a llwyd.

Dylai unrhyw un â gwybodaeth gysylltu â’r heddlu ar 101.

Missing Person: Susan Smith,last seen 1.30pm,Sat 27th Feb,walking in the Caravan Bay Holiday Village, Kidwelly area. She is known to walk along the beach to St Ishmaels & Ferryside & is believed to be wearing black jeans,a black fleece type jacket & navy & grey walking boots. pic.twitter.com/bd7f1xLVo8

— Heddlu Dyfed-Powys Police (@DyfedPowys) February 28, 2021