Mae Andy Morrison, rheolwr Cei Connah, wedi dweud bod “neb yn mynd i roi’r teitl i ni” ar ôl i’w dîm ddod un cam yn agosach at gael eu coroni’n Bencampwyr Cymru neithiwr (Mai 5).
Roedd hi’n noson fawr yn y Cymru Premier, gyda Cei Connah yn curo’r Barri o 2-1 mewn gêm agos, tra bod y Seintiau Newydd wedi trechu Penybont 3-0.
Dim ond dau bwynt sy’n gwahanu’r ddau dîm gyda dwy gêm yn weddill, ac mae Cei Connah yn ceisio cael eu coroni’n Bencampwyr Cymru am yr ail dymor yn olynol.
6 Uchaf | Top 6 #JDCymruPremier
Buddugoliaeth i'r Seintiau ac i Gei Connah – dim ond dau bwynt sy'n gwahanu'r clybiau a dim ond dau rownd o gemau ar ol i'r tymor ? pic.twitter.com/OdiEIp0aFH
— ⚽ Sgorio (@sgorio) May 4, 2021
“Trystia fi, does neb yn mynd i roi’r teitl i ni”
Wrth ymateb i’r gêm, dywedodd Andy Morrison bod yn rhaid i’w dîm delio â “sefyllfaoedd sy’n codi yn y gêm” a “gwneud beth rydan ni’n ei wneud” yn hytrach na delio a phwysau’r ddwy gêm olaf.
Ychwanegodd: “Trystia fi, does neb yn mynd i roi’r teitl i ni.
“Mae pawb eisiau stopio Pencampwyr y tymor diwethaf, ac maen nhw eisiau atal tîm rhag dod yn Bencampwyr.”
Andy Morrison: ‘nobody’s going to hand us the title’.
Sylwadau rheolwr Cei Connah wedi’r fuddugoliaeth dros Y Barri neithiwr. @The_Nomads manager’s comments after last night’s victory over Barry Town. pic.twitter.com/9OKtPiXJku
— ⚽ Sgorio (@sgorio) May 5, 2021
Bydd Cei Connah yn herio Caernarfon, yn fyw ar S4C, ddydd Sadwrn (Mai 8), tra bod y Seintiau Newydd chwarae yn erbyn y Barri.
#JDCymruPremier ???????@the_nomads v @CaernarfonTown
Dydd Sadwrn am 5 | Live this Saturday at 5, @S4C pic.twitter.com/LkeWRheTk7
— ⚽ Sgorio (@sgorio) May 5, 2021