Oherwydd y tywydd garw, mae Sioe Nadolig Cyw yn Theatr Elwy dydd Sadwrn a Galeri, Caernarfon dydd Sul wedi eu canslo.
Dywedodd S4C bod cyngerdd Nadolig Bryn Terfel yn Venue Cymru, Llandudno nos Sadwrn, 18 Rhagfyr, hefyd wedi ei ganslo..
Roedd S4C yn ymddiheuro am ganslo’r ddau ddigwyddiad ac yn gobeithio ail-drefnu yr wythnos nesaf os oes modd gwneud hynny.
Mae S4C a Boomerang yn gobeithio trefnu recordio fersiwn arall o sioe Bryn ar gyfer ei darlledu Noswyl y Nadolig mewn lleoliad arall.
Bydd gwasanaeth Cyw ar y teledu yn cael ei ymestyn dros y penwythnos rhwng 11:00 a 12:00 bore Sadwrn a 09:00 a 10:00 bore Sul o ganlyniad i’r penderfyniad.
Mae darllediad byw Stwnsh Sadwrn o Wledd y Gaeaf ar y Glannau yn Abertawe hefyd wedi’i ganslo oherwydd yr eira trwm. Yn hytrach, bydd Ant, Al a Lois yn cyflwyno cyffro’r Ŵyl o’r stiwdio.
